5 კითხვა, რომელიც თითოეულ თანამშრომელს ყოველთვიურად უნდა დაუსვათ

ინდივიდუალური ურთიერთობა თანამშრომელსა და მენეჯერს შორის განსაკუთრებულია. ყოველთვიურად ერთი-ერთზე კითხვების დასმა კი დაგეხმარებათ გაიგოთ როგორ მიმდინარეობს სამუშაო პროცესი და რამდენად მოსწონთ საკუთარი საქმის გაკეთება. ასევე ყოველთვიური ჩართულობით თქვენ განსაზღვრავთ წინა თვის პრობლემებს და უკეთ დაგეგმავთ მომავალ საქმეებს. თანამშრომლებს კი დაეხმარებით თვითგანვითარებაში, ასევე ისინი იგრძნობენ რომ თქვენ და კომპანია ზრუნავს მასზე. 

1. რა იყო თქვენი ყველაზე დიდი გამოწვევა ამ თვეში?

ყოველი მეოთხე დასაქმებული ფიქრობს, რომ მათმა მენეჯერმა/ხელმძღვანელმა არ იცის მათი პრობლემების შესახებ და არ ეკითხებიან იმ საკითხებს რაშიც ხელმძღვანელის დახმარება სჭირდებათ. აღნიშნული კითხვის დასმა დაგეხმარებათ ფოკუსირებაში და გააცნობიერებთ რა უნარების განვითარება სჭირდება თანამშრომელს, ან რა კუთხით შეგიძლიათ დაეხმაროთ საქმის დელეგირებაში. შესაბამისად მომავალში ადვილად განსაზღვრავთ პრიორიტეტებს და მიხვდებით რა ტიპის დავალებები შეგიძლიათ მისცეთ მათ.

2. რა არის ის, რასაც, დროის უკან დაბრუნების შემთხვევაში, სხვანაირად გააკეთებდი?

აღნიშნული კითხვა თანამშრომლებს მისცემს თვითრეგანვითარებისა და შედეგების გაანალიზების შესაძლებლობას.

ასევე დაეხმარება მათ შექმნან სამუშაო რუკა, რათა თავიდან აიცილონ შეცდომები მომავალში.

აღნიშნული კითხვა დაეხმარებათ თავდაჯერებულობის გაზრდაში და გააცნობიერებენ სამუშაოს შესრულების სხვადასხვა გზებს, ასევე მომავალში უფრო ღიად შეხვდებიან ექსპერიმენტების ჩატარებას.

ასევე შეგიძლიათ დაუსვათ შემდეგი კითხვები რომელიც საკითხის უფრო ღრმა ანალიზში დაგეხმარებათ:

რომელ მომენტში გააცნობიერე, რომ სხვაგვარად უნდა მოქცეულიყავი? შეგეძლო რაიმე ისეთი გაგეკეთებინა, რაც დაგეხმარებოდა უფრო სწრაფ რეაგირებაში?

იყო რაიმე მიზეზი, რის გამოც არ საუბრობდი ამ საკითხზე?

ხელმძღვანელს ყოველთვის ურჩევნია გაიგოს რეალური მიზეზი თუნდაც ამან დროებით აღნიშნული საქმის შეჩერება გამოიწვიოს. უმჯობესია მოგვარება ძირეული პრობლემიდან დავიწყოთ, ვიდრე ზედაპირულად მივუდგეთ და შემდგომ კვლავ იგივე საკითხზე მოგვიწიოს დროის დახარჯვა.

3. რა შემიძლია გავაკეთო, რომ მომავალი თვე უფრო წარმატებული იყოს შენთვის?

მსგავსი მიდგომა და ამ კითხვის დასმა თანამშრომლებს დაეხმარებათ სამომავლო გეგმები წინასწარ დასახონ და გაიაზრონ სად შეიძლება დასჭირდეთ დამატებითი რესურსის დახმარება. მეორეს მხრივ კი თქვენ წინასწარ გეცოდინებათ  სამომავლოდ რა შესაძლო საკითხმა (ან თუნდაც პრობლემამ) შეიძლება იჩინოს თავი. 

შეიძლება თანამშრომელს სჭირდებოდეს რაიმე მატერიალური რესურსი, მაგალითად წიგნები, გაიდლაინები, ტრენინგი თქვენ კი ამის ცოდნით შეძლებთ წინასწარ დაგეგმოთ და გადაანაწილოთ შესაბამისი რესურსები.

4. არის რომელიმე პროექტი/პროექტები, რომლებშიც გსურს ჩართვა?

თანამშრომლების 33% ფიქრობს რომ არაა სათანადოდ ჩართული იმ გადაწყვეტილებებში, რომლებიც გავლენას ახდენენ მის სამუშაოზე. 

მისი ინიციატივების გარკვევა კი, ეხმარება ადამიანებს უფრო ღრმა კავშირი იგრძნონ თავიანთ სამუშაოსთან.

თანამშრომლების ჩართვა გადაწყვეტილების მიღებაში აგრძნობინებს, რომ აფასებთ მათ აზრს და ზრუნავთ განვითარებაზე.

შენიშვნა** ყოველთვის ვერ შეძლებთ ყველამ იმუშაოს იმ ინიციატივაზე, რაც მათ სურთ. მაგრამ ჩვენება, რომ გსურთ სცადოთ, დაეხმარება თქვენს თანამშრომლებს იყვნენ უშუალოები და გახსნილები სამომავლოდ.

5. არის ისეთი პროექტები, რომლებშიც ჩართული ხარ მაგრამ გირჩევნია არ მონაწილეობდე?

აღნიშნული ქმედებით თქვენ ხსნით ახალ არეალს, სადაც თანამშრომლებს შეუძლიათ თავისუფლად გამოხატონ და დააფიქსირონ ის საკითხები (სფეროები), რომლებშიც დისკომფორტს განიცდიან ან საკუთარი თავის განვითარებას ვეღარ ხედავენ.

თუ თქვენ ამ საკითხს ყურადღებით მიუდგებით და გაითვალისწინებთ თანამშრომლების უკუკავშირს აუცილებლად მოახდენთ შრომითი კმაყოფილების დაცვას.

აღნიშნული კითხვა თანამშრომლებისთვის იქნება როგორც სიგნალი, რომ თავისუფლად შეუძლიათ გამოხატონ საკუთარი თავი და აზრები.

პასუხის მოსმენის შემდეგ აუცილებელია თქვენი უკუკავშირი და შეგიძლიათ დააზუსტოთ დეტალები:

მიხარია, რომ ამ საკითხზე ვისაუბრეთ. შემიძლია რამე გავაკეთო, რომ დაგეხმარო ამ პროექტში შენი ადგილის პოვნაში?

იყო რამე, რაც გამომრჩა, როცა ვიფიქრე, რომ აქ კარგად იქნებოდი?

 

კარგი მენეჯერი სვამს კითხვებს, მაგრამ საუკეთესო მოქმედებს მიღებული პასუხების გაუმჯობესებისთვის

როდესაც თქვენს გუნდს ან ცალკეულ თანამშრომლებს უსვამთ კითხვებს, გახსოვდეთ, ეს არ მთავრდება მათი დაუყოვნებელი პასუხებით. აუცილებლად ჩაინიშნეთ მნიშვნელოვანი დეტალები და თვალყური ადევნეთ შემდგომ განვითარებას. თქვენ უნდა გადადგათ ქმედითი ნაბიჯები და სცადოთ გააუმჯობესოთ სამუშაო პირობები მათთვის. თითოეული დასაქმებულის კმაყოფილება და საქმის დადებითი განწყობით კეთება შემდგომში თქვენი პროდუქტის/სერვის ხარისხისა და წარმატების აუცილებელი გარანტია.

#დაგეგმეკარიერაციტადელში