Сайт работает в тестовом режиме

Блог

5 კითხვა, რომელიც თქვენ გუნდს ყოველთვიურად უნდა დაუსვათ

13 июня
5 კითხვა, რომელიც თქვენ გუნდს ყოველთვიურად უნდა დაუსვათ

გუნდური მუშაობა ურთიერთთანამშრომლობასა და ნდობაზეა დამყარებული. გუნდის თითოეული წევრი დარწმუნებული უნდა იყოს ლიდერის შესაძლებლობებში და პირიქით. თითოეულ წევრს საქმის დელეგირება და ერთმანეთის დახმარება უნდა შეეძლოთ. გუნდთთან ურთიერთობისას აუცილებელია ლიდერმა გაითვალისწინოს, რომ ის თანამშრომლების მამოტივირებელი და იმედის მიმცემი პერსონა უნდა იყოს. იმისათვის რომ გაზარდოთ თითოეული გუნდის წევრის კმაყოფილება და ნაყოფირიება საჭიროა  მათთან სისტემატიური კომუნიკაცია გქონდეთ და ესაუბროთ ძირითად პრობლემებსა თუ მიღწევებზე.

გიზიარებთ 5 კითხვას, რომელიც თქვენი გუნდის წევრებს ყოველთვიურად უნდა დაუსვათ.

  1. როგორ შემიძლია ვიყო უკეთესი ლიდერი? / კიდევ რა შემიძლია გავაკეთო ჩვენი გუნდის უკეთ სამართავად?

    აღნიშნული კითხვა დაეხმარება თქვენს თანამშრომლებს თვითშეფასების გაზრდაში, ისინი უფრო მარტივად მოახერხებენ თქვენთან კომუნიკაციას და მზად იქნებიან იდეების გასაზიარებლად. აღნიშნული კითხვა ასევე აჩვენებს, რომ თქვენ მზად ხართ იყოთ ღია და თვითკრიტიკული.

    შენიშვნა* - შეიძლება საეჭვოდ ჟღერდეს თქვენი გუნდისთვის ამ ტიპის კითხვების დასმა, რადგან თქვენ თითქოს დაუცველ მდგომარეობაში ხართ, თუმცა სწორედ ეს არის ლიდერობის აუცილებელი თვისება. მიუდექით ამას ღია გონებითა და მენეჯერად გაზრდის სურვილით და დარწმუნებული იყავით, რომ მიიღებთ ღირებულ შეხედულებებს.

  2. რა შეგვიძლია რომ გავაუმჯობესოთ ჩვენს პროდუქტში/სერვისში?

    სტატისტიკურად დასაქმებულთა 21% ამბობს, რომ თუ მათ ოდესმე ჰქონიათ ინოვაციური იდია ჰქონიათ, არ სურდათ (ეშინოდათ) მისი გაჟღერება არაკომფორტული სამუშაო გარემოს გამო. 

    მსგავსი კითხვის დასმით თქვენი გუნდი იგრძნობს ძალაუფლებას, გაუჩნდებათ სურვილი იფიქრონ ახალ იდეებზე და განხორციელების ეტაპზე გაცილებით უფრო მოტივირებულები იქნებიან. ამგვარი მიდგომა გააძლიერებს კავშირს გუნდის ძალისხმევასა და კომპანიის წარმატებას შორის.

    შენიშვნა* - როდესაც რაიმე გასაოცარ ახალ იდეას მოისმენთ, მაშინვე გაუზიარეთ თქვენი აზრი გუნდის წევრს. მოსმენილი იდია აუცილებლად გაუზიარეთ შესაბამის თანამშრომელს ან დააკავშირეთ თქვენი გუნდის წევრი პირდაპირ მას.

  3. რა შეგვიძლია გავაკეთოთ ჩვენი გუნდური კულტურის გასაუმჯობესებლად?

    აღნიშნული კითხვა გამოააშკარავებს პრობლემას, რომელიც შეიძლება გქონდეთ მაგრამ ვერ ამჩნევდეთ. ასევე, თქვენი გუნდის წევრები იგრძნობენ, რომ სამუშაო უფრო მეტია, ვიდრე უბრალოდ რაიმე დავალების შესრულება. აღნიშნული შეკითხვა დაგეხმარებათ თანამშრომლების ჩართულობის გაზრდაში, რადგან ისინი თქვენს ზრუნვას იგრძნობენ.

  4. რა გუნდური აქტივობები შეგვიძლია გავაკეთოთ ერთად?                                               ძლიერი გუნდის ჩამოსაყალიბებლად აუცილებელია გუნდური მუშაობა. გუნდური აქტივობები ეხმარებათ თანამშრომლებს ერთმანეთი უკეთ გაიცნონ, შემდგომ კი სამუშაოს შესრულების პროცესში ერთმანეთს უკეთ დაეხმარონ.

  5. რა (ან ვინ) აკლია ჩვენს გუნდს?

    სტატისტიკურად დასაქმებულთა 26% ამბობს, რომ მათ არ აქვთ წვდომა არამატერიალურ რესურსებზე, როგორებიცაა - ტრენინგები ან შესაბამისი მონაცემები (ბაზა/data) 

    ხშირ შემთხვევაში მსგავსი პრობლემის გადაჭრა შეიძლება მარტივი იყოს თუმცა, თანამშრომლებმა არ ისაუბრონ ამაზე. თქვენი ამგვარი მიდგომა კი დაგეხმარებათ პრობლემის მოგვარებასა და შემდგომ გუნდის განვითარებაში.