ციტადელი 𝐂𝐇𝐑𝐎𝐌𝐎𝐃𝐎𝐌𝐈-ს ოფიციალური დილერია საქართველოში
საღებავების ბერძნული ბრენდი 𝐂𝐇𝐑𝐎𝐌𝐎𝐃𝐎𝐌𝐈 ხუთი წელია საქართველოში ექსკლუზიურად ციტადელის შოურუმებშია წარმოდგენილი. ბრენდი პოზიციონირდება ეკოლოგიურად სუფთა, უმაღლესი ხარისხის პროდუქციით, რომელიც მრავალფეროვანი ფერების პალიტრით გამოირჩევა. საერთო ღირებულებებისა და ხედვის საფუძველზე, 𝐂𝐇𝐑𝐎𝐌𝐎𝐃𝐎𝐌𝐈 და ციტადელი სანდო პარტნიორობის მაგალითს ქმნიან სამშენებლო ბაზარზე.
როგორ იქცა ეს თანამშრომლობა ნდობის საყრდენად, რა ხედვები აქვთ კომპანიას და როგორ პასუხობს ის ბაზრის მუდმივ დინამიკას, ამას 𝐂𝐇𝐑𝐎𝐌𝐎𝐃𝐎𝐌𝐈 საექსპორტო გაყიდვების დირექტორი - ვასილის ხალიამბალიასი გაგვანდობს.
როგორ დაიბადა ბრენდი „ქრომოდომი“ და რა გზამ მოიყვანა იგი დღევანდელ წარმატებულ პოზიციამდე?
𝐂𝐇𝐑𝐎𝐌𝐎𝐃𝐎𝐌𝐈 𝟏𝟗𝟖𝟖 წელს დაარსდა, როგორც მცირე საღებავების საწარმო თესალონიკის ცენტრში, ძალიან პატარა სივრცეში. დასაწყისიდანვე კომპანიის განვითარება ემყარებოდა ხარისხს, მოქნილობას და მომხმარებლის საჭიროებების ყურადღებით მოსმენას. სწორედ ამ პრინციპებმა განაპირობა ეტაპობრივი ზრდა იმ პერიოდში, როცა ბერძნული ბაზარიც სწრაფად ვითარდებოდა. წლების განმავლობაში 𝐂𝐇𝐑𝐎𝐌𝐎𝐃𝐎𝐌𝐈 ინვესტიციას მუდმივად დებდა საწარმოო სივრცეში, ტექნიკაში, ადამიანებში და ბოლო პერიოდში ავტომატიზირებულ წარმოების პროცესებში. დღეს ჩვენ ოჯახური ბიზნესი ვართ ყველაზე ფართო და მნიშვნელოვანი გაგებით: ოჯახის წევრები მნიშვნელოვან პოზიციებზე არიან, სადაც პასუხისმგებლობა, ერთგულება და გრძელვადიანი ხედვა გადამწყვეტია, ხოლო თანამშრომლობა ყველა დეპარტამენტთან და ადამიანთან ქმნის კომპანიის ყოველდღიურ ძალას.
რა იყო მთავარი მოტივაცია საქართველოს ბაზარზე შემოსვლის და როგორ შეაფასებთ მომხმარებელთა ინტერესებს?
საქართველო ყოველთვის იყო 𝐂𝐇𝐑𝐎𝐌𝐎𝐃𝐎𝐌𝐈‑ს სამიზნე ბაზარი მისი განვითარების პოტენციალის, გეოგრაფიული მდებარეობისა და სანდო ევროპული სამშენებლო მასალების საჭიროების გამო. ბოლო ათწლეულის განმავლობაში ჩვენი კომპანიის წარმომადგენლები მონაწილეობდნენ ბიზნეს‑მისიებში საქართველოში, სადაც დავინახეთ ბაზრის ძლიერი პოტენციალი. ამ ნაბიჯისთვის 𝐂𝐢𝐭𝐚𝐝𝐞𝐥𝐢 აღმოჩნდა სწორი პარტნიორი. როგორც საქართველოს წამყვანი მოთამაშე, 𝐂𝐢𝐭𝐚𝐝𝐞𝐥𝐢 აერთიანებს ბაზრის ცოდნას, სანდოობას და ძლიერ ადგილობრივ ყოფნას. ჩვენი საერთო მიზანი მხოლოდ პროდუქციის გაყიდვა კი არა, არამედ საქართველოს სამშენებლო სექტორის მოდერნიზაცია სერტიფიცირებული ევროპული მასალებით. მომხმარებელთა ინტერესი სტაბილურად იზრდება, განსაკუთრებით გარე გამოყენების პროდუქტებზე და გვჯერა, რომ ძალიან პოზიტიური მიმართულებით ვმოძრაობთ.
რა საერთო ან განსხვავებულ ტენდენციებს ამჩნევთ რეგიონულ ბაზრებს შორის?
საქართველო ძალიან საინტერესო ბაზარია, რადგან იგი აერთიანებს სხვადასხვა რეგიონის ელემენტებს. ბევრ ასპექტში იგი ახლოსაა ბალკანეთის ბაზრებთან, თუმცა ასევე იზიარებს ახლო აღმოსავლეთის ქვეყნების გარკვეულ მახასიათებლებს, კერძოდ, პირადი ურთიერთობების, ნდობისა და გრძელვადიანი თანამშრომლობის მნიშვნელობას.
ბოლო პერიოდში გამოიკვეთა რეგიონულ ბაზრებზე სერტიფიცირებული ევროპული პროდუქციის ზრდის ტენდენცია. მომხმარებლები ეძებენ გამძლეობას, ტექნიკურ შესრულებას, სანდოობასა და აღიარებულ სტანდარტებს. საქართველოში ასევე ვხედავთ აქტიურ სამშენებლო საქმიანობას და ფართომასშტაბიან პროექტებს. ბაზარი არ უყურებს მხოლოდ ფასს ან მხოლოდ ხარისხს, იგი აფასებს ღირებულებას. სწორედ აქ ვლინდება 𝐂𝐇𝐑𝐎𝐌𝐎𝐃𝐎𝐌𝐈‑ს უპირატესობა, ჩვენ ვთავაზობთ პროდუქტებს, რომლებიც აერთიანებს შესრულებას, სერტიფიკატებს და კონკურენტულ პოზიციონირებას.
ციტადელისა და ქრომოდომის ერთობლივი ხედვა, რა არის პარტნიორობის საყრდენი?
ციტადელისა და 𝐂𝐇𝐑𝐎𝐌𝐎𝐃𝐎𝐌𝐈‑ს საერთო ხედვაა ბაზრისთვის მაღალი ხარისხის ევროპული პროდუქტებისა და გადაწყვეტილებების მიწოდება. პარტნიორობა ემყარება ნდობას, საერთო ღირებულებებსა და ტექნიკურ ცოდნას. ჩვენთვის ციტადელი არა მხოლოდ დისტრიბუტორი, არამედ სტრატეგიული პარტნიორია. ყველაზე მეტად ვაფასებთ ადამიანებს, მათ ენერგიას, შრომის სურვილს, პროფესიონალიზმს და განვითარებისადმი მზაობას.
რომელ მასშტაბურ პროექტს გამოყოფდით, რომელიც ციტადელთან კოლაბორაციით შედგა?
დღეს, 𝐂𝐢𝐭𝐚𝐝𝐞𝐥𝐢‑თან თანამშრომლობით, 𝐂𝐇𝐑𝐎𝐌𝐎𝐃𝐎𝐌𝐈‑ს პროდუქტები არაერთ პროექტში გამოიყენება. საქართველოში ვიზიტისას პირადად მოვინახულე დასრულებული და მიმდინარე ობიექტები ბათუმსა და თბილისში, მათ შორის საცხოვრებელი კომპლექსები. მიუხედავად იმისა, რომ ჩვენი ქართველი პარტნიორები უფრო ზუსტად გაიხსენებენ პროექტების სახელებსა და ტექნიკურ დეტალებს, შეგვიძლია ვთქვათ, რომ 𝐂𝐇𝐑𝐎𝐌𝐎𝐃𝐎𝐌𝐈‑ს ინტერიერის და ექსტერიერის საღებავები, წარმატებით გამოიყენეს რთულ პროექტებში. ჩვენთვის მთავარი არა მხოლოდ პროექტის მასშტაბია, არამედ მომხმარებლის, შემსრულებლებისა და პარტნიორის კმაყოფილება მისი დასრულებისას.
როგორც ჩვენთვის ცნობილია, პროდუქცია სერტიფიცირებულია და აკმაყოფილებს ევროკავშირის ყველა სტანდარტს, გვაინტერესებს როგორია თქვენი ხედვა ეკოლოგიურად უსაფრთხო პროდუქტების მნიშვნელობაზე?
𝐂𝐇𝐑𝐎𝐌𝐎𝐃𝐎𝐌𝐈‑ში სერტიფიკატები და ევროკავშირის სტანდარტებთან შესაბამისობა მხოლოდ ფორმალობად არ განიხილება. ჩვენი კომპანია 𝟐𝟓 წელზე მეტია 𝐈𝐒𝐎 სერტიფიკატებით მუშაობს, ამიტომ ეს პრაქტიკა ჩვენი კულტურის ნაწილად იქცა. დღეს კი საკითხი სერტიფიკატებს სცდება. მდგრადობა ჩვენი ფილოსოფიის ცენტრალური ნაწილი გახდა. თანამედროვე სამშენებლო მასალამ უნდა გააერთიანოს შესრულება, უსაფრთხოება, გამძლეობა და გარემოზე მინიმალური ზემოქმედება. ეს ნიშნავს დაბალ 𝐕𝐎𝐂 (𝐕𝐨𝐥𝐚𝐭𝐢𝐥𝐞 𝐎𝐫𝐠𝐚𝐧𝐢𝐜 𝐂𝐨𝐦𝐩𝐨𝐮𝐧𝐝𝐬) ემისიებს, უფრო უსაფრთხო შიდა ჰაერის ხარისხს, პასუხისმგებლიან წარმოებას და ნარჩენების შემცირებას ყველგან, სადაც შესაძლებელია.
ჩვენთვის მდგრადობა არ არის სლოგანი, ეს არის უწყვეტი გაუმჯობესების პროცესი.
თქვენი აზრით, ყველაზე ხშირად რომელ პროდუქტთან ასოცირდება ბრენდი 𝐂𝐇𝐑𝐎𝐌𝐎𝐃𝐎𝐌𝐈?
თუ საქართველოს ბაზარზე მოვახდენთ ფოკუსირებას, 𝐂𝐇𝐑𝐎𝐌𝐎𝐃𝐎𝐌𝐈 მჭიდროდ ასოცირდება გარე გამოყენების პროდუქტებთან, რომლებიც შეიცავს სილიკონის დანამატებს. მსგავსი პროდუქტები პოპულარულია, რადგან სილიკონის დანამატი აუმჯობესებს შენობის გარე საფარის დაცვას და მდგრადია ცუდი მეტეო პირობების მიმართ. საქართველოს უმეტეს რეგიონში კი სწორედ აღნიშნული კლიმატური გარემოა, რაც კიდევ უფრო ზრდის ამ პროდუქტების აქტუალურობას და მოთხოვნას.
ბოლო პერიოდში ტენდენციურია დეკორატიული ლესვა/დეკორატიული კედელი, როგორია ამ მხრივ თქვენი ნაბიჯები, რა ინოვაციებს სთავაზობთ მომხმარებელს?
ჩვენთვის ინოვაცია ტერმინი კი არა, ყოველდღიური საქმიანობაა. ეს არის მუდმივი შრომა და სურვილი, რომ თითოეული პროდუქტი ყოველდღიურად უკეთესი გახდეს. 𝐂𝐇𝐑𝐎𝐌𝐎𝐃𝐎𝐌𝐈‑მ შეიმუშავა რამდენიმე პროდუქტი დეკორატიული მასალის მიმართულებით, რომელთაგან ერთ‑ერთი ყველაზე წარმატებულია 𝐒𝐎𝐕𝐀𝐂𝐑𝐘𝐋 𝐆𝐑𝐀𝐍𝐈𝐓. მისი მარტივი გამოყენებისა და ქვისებური ვიზუალის გამო, ის დიდი პოპულარობით სარგებლობს ბერძნულ ბაზარზე სასტუმროს პროექტებში.
ჩვენი დეკორატიული პროდუქტები მომხმარებლებს სთავაზობს უნიკალურ საბოლოო შედეგს გონივრულ ფასად, ზედმეტი სამუშაო საათების, რთული ტექნიკის ან სპეციალიზებული ინსტრუმენტების გარეშე.
ჩვენი მიზანია მუდმივად განვავითაროთ მიმართულება, რომელიც აერთიანებს ესთეტიკას, გამძლეობას, მარტივ გამოყენებასა და ღირებულებას.
მოგვიყევით ქრომოდომის გრძელვადიან გეგმებზე.
𝐂𝐇𝐑𝐎𝐌𝐎𝐃𝐎𝐌𝐈‑სთვის ერთ‑ერთი ყველაზე ძლიერი მახასიათებელი ახალი პროდუქტების შექმნაზე ორიენტირებაა. ჩვენ უწყვეტად ვმუშაობთ კომპანიაში არსებული გადაწყვეტილებების გაუმჯობესებასა და ახლის შემუშავებაზე. უახლოეს პერიოდში სრულად მზად ვიქნებით ჩვენი პარტნიორები სრულად მოვამარაგოთ ინოვაციური კვარცის იატაკის სისტემებით, რომელთა შესახებ დამატებითი ინფორმაცია საქართველოში მალე გახდება ხელმისაწვდომი.
ახალი ბაზრის მიმართულებით, 𝐂𝐇𝐑𝐎𝐌𝐎𝐃𝐎𝐌𝐈 განსაკუთრებულ ყურადღებას ამახვილებს ახლო აღმოსავლეთსა და სპარსეთის ყურის ქვეყნებზე, პარალელურად თვალს ადევნებს ცენტრალურ ევროპასაც. ჩვენი მიზანი მხოლოდ გეოგრაფიული გაფართოება არ არის, არამედ ძლიერი, ჯანსაღი და გრძელვადიანი პარტნიორობების შექმნაა.
𝟐𝟎𝟐𝟔 წელს ჩვენ დავასრულეთ საინვესტიციო ციკლი, რომლის მოცულობა დაახლოებით 𝟏 მილიონი ევრო იყო. ამ ინვესტიციამ მოიცვა წარმოებისა და შეფუთვის პროცესების ავტომატიზაცია, ასევე დამატებითი ინვესტიციები საწარმოო სივრცესა და ტექნიკაში. ჩვენთვის პროგრესი არ არის საბოლოო დანიშნულება - ეს ყოველდღიური დისციპლინაა.