MAPEI GROUP - ციტადელის პარტნიორი გლობალური ბრენდი
MAPEI GROUP - ციტადელის პარტნიორი გლობალური ბრენდი, რომელიც სამშენებლო ქიმიის ფართო ასორტიმენტით არის წარმოდგენილი საერთაშორისო ბაზარზე. კომპანია ცნობილია როგორც უმაღლესი ხარისხის, მრავალფეროვანი პროდუქციის მწარმოებელი, რომელიც სამშენებლო კომპანიებს და კერძო მესაკუთრეებს სთავაზობს სრულ ტექნიკური მხარდაჭერას.
MAPEI GROUP-ს განსაკუთრებული წვლილი მიუძღვის ისტორიულ‑კულტურული ძეგლების აღდგენასა და რესტავრირებაში მსოფლიოს მასშტაბით, რაც ხაზს უსვამს მის პასუხისმგებლობა და ლიდერობას.
კომპანიის შესახებ მეტი ინფორმაციას MAPEI GROUP-ს ოფიციალური წარმომადგენელი ირაკლი კარტოზია გაგვაცნობს.
კომპანიის მისია და ფასეულობები - მოგვიყევით თქვენს კომპანიაზე, რა მიზნებისა და პრინციპების მატარებელია?
სამშენებლო ქიმიის მწარმოებელი გიგანტური კომპანია MAPEI GROUP, ამჟამად წარმოების გლობალურ ქსელს ხუთ კონტინენტზე ფლობს, რომელიც მოიცავს 106 ქარხანას 42 ქვეყანაში, სადაც 9800-ზე მეტი მასალა იწარმოება.
ინოვაცია და კვლევა ბრენდის განვითარების საფუძველია - ბრუნვის 5% სწორედ ამ მიმართულებას ხმარდება. MAPEI GROUP-ის მისიაა შექმნას ინოვაციური, გარემოსდაცვითად მდგრადი გადაწყვეტილებები, რომლებიც სრულად შეესაბამება თანამედროვე სტანდარტებს და უზრუნველყოფს როგორც პარტნიორების, ისე საბოლოო მომხმარებლის კეთილდღეობას
როდესაც საუბარია ახალ ექსკლუზიურ პარტნიორზე, საინტერესოა მაპეის მთავარი სტანდარტები. გაგვიზიარეთ ის მთავარი კრიტერიუმები, რისი მიხედვითაც ახალ საერთაშორისი პარტნიორს იძენთ.
MAPEI GROUP-ისთვის პარტნიორობა ნიშნავს საერთო წესების დაცვას, რომლებიც ათწლეულების განმავლობაში ჩამოყალიბდა: ბრენდის იმიჯის გაფრთხილება, გამჭვირვალე ფინანსური თანამშრომლობა, ხარისხის მკაცრი კონტროლი, კონკურენტულ გარემოში ინტერესების დაცვა და ბაზარზე მასალების დინამიური განვითარება.
როდის დაიწყო მაპეისა და ციტადელის პარტნიორობა, რა იყო ის მთავარი ხედვა, რამაც კომპანიების პარტნიორობა განსაზღვრა?
მაპეისა და ციტადელის თანამშრომლობა უკვე ხუთ წელს ითვლის. ჩვენი თანამშრომლობის მთავარი მიზანი იყო ორმხრივი ინტერესი, კერძოდ, ერთობლივი მუშაობით განგვევითარებინა ურთიერთსასარგებლო, ორმხრივი ურთიერთობა როგორც მსოფლიოში აღიარებულ ევროპულ ბრენდსა და საქართველოს სამშენებლო ბაზარზე არსებულ მოწინავე კომპანიას შორის.
ჰიდროიზოლაცია მშენებლობის ის განუყოფელი და სავალდებულო ნაწილია, რაც საბოლოო პროდუქტის (შენობის) ხანგრძლივ ექსლუატაციას განსაზღვრავს. რა არის ის ძირითადი ფაქტორები, რომლებიც მაპეის ჰიდროსაიზოლაციო მასალებს გამორჩეულს ხდის?
დაგეთანხმებით, ჰიდროიზოლაცია ერთ-ერთი მნიშვნელოვანი მიმართულებაა. თავდაპირველად აუცილებელია სწორი ჰიდროსაიზოლაციო სისტემის შერჩევა. ჩვენი მასალების ხანგრძლივი ექსპლუატაციის მიზნით, MAPEI GROUP-მა თითქმის ყველა შემთხვევებისა და პრობლემებისთვის, რაც სამშენებლო ბიზნესში ძალიან ხშირად გვხვდება, შეიმუშავა - ცემენტ-პოლიმერული, აკრილის, ბითუმის, PVC, TPO და FPO მემბრანული, ბენტონიტის, პოლიურეთანის და პოლიურეას და სხვა ჰიდროსაიზოლაციო მასალები.
გარდა პროდუქციის მაღალი ხარისხისა, ჩვენი მთავარი უპირატესობა მუდმივი ტექნიკური მხარდაჭერაა სემინარებით, ტრენინგებითა და კონსულტაციებით, რაც უზრუნველყოფს მასალების ხანგრძლივ და საიმედო ექსპლუატაციას.
ფასი და ხარისხი - როგორია კომპანიის პოლიტიკა ამ ორი მნიშვნელოვანი კომპონენტის ბალანსზე?
ხარისხის ხარჯზე ფასების შემცირება შეუძლებელია. ჩვენი საფასო პოლიტიკა, საშუალო და მაღალ სეგმენტს მოიცავს. იმის გათვალისწინებით, რომ MAPEI GROUP-ის ქარხნების რაოდენობის სიმრავლე და გეოგრაფიული ადგილმდებარეობა მრავალფეროვანია, შემსყიდველს დიდი უპირატესობაა აქვს ლოგისტიკური საკითხების მათვის სასარგებლო, მომგებიანი არჩევანის გაკეთებაში და საბოლოო ფასის ფორმირებაში.
თქვენ, როგორც საერთაშორისოდ აღიარებული ბრენდის წარმომადგენელი, რას ურჩევდით ქართულ სამშენებლო სექტორს? რომელი მასალების/კატეგორიის განვითარებას ხედავთ ახლო მომავალში?
ყველაზე მნიშვნელოვანი რჩევა ხარისხზე კონცენტრირებაა, რათა თავიდან ავიცილოთ ჩვენივე შესრულებული სამუშაოების მრავალჯერადი საგარანტიო მომსახურება და მისგან გამომდინარე კოლოსალური ხარჯები. როგორც ებრაული გამოთქმა ამბობს: „მე არც ისე მდიდარი ვარ, რომ ერთი და იგივე საქონელში ორჯერ გადავიხადო.“
როგორია მაპეის სამომავლო გეგმები საქართველოში?
რასაკვირველია, ჩვენი სამომავლო უპირველესი მიზანია საქართველოს სამშენებლო ბაზარზე ბრუნვის ზრდა და არსებული ნიშის ამაღლებაა.