Gökdelen-ის წარმომადგენლების ორდღიანი ვიზიტი საქართველოში

Gökdelen-ის გაყიდვების გუნდის წარმომადგენლები - Emre Goren და Arif Emre Koyun ციტადელს ესტუმრნენ. 

ვიზიტისას ყურადღება გამახვილდა კომპანიებს შორის ურთიერთთანამშრომლობასა და ქართული ბაზრის ახალ შესაძლებლობებზე.

შეხვედრას ციტადელის მხრიდან პროექტების მოზიდვისა და ბიზნეს განვითარების ხელმძღვანელი -სიმონ ჯაფარიძე, ბიზნეს განვითარების და სტრატეგიული შესყიდვების დეპარტამენტის ხელმძღვანელი - ნინო სეხნიაშვილი, ბრენდ მენეჯერი - გიორგი ცხოვრებაშვილი და საყალიბე სისტემების განყოფილების ხელმძღვანელი - ნიკოლოზ ხონელიძე ესწრენოდნენ.

სტუმრებმა მოინახულეს თბილისში არსებული ის სამშენებლო ობიექტები, სადაც Gökdelen-ის საყალიბე სისტემები გამოიყენება. სამშენებლო კომპანიების წარმომადგენლებთან ერთად მათ განიხილეს საყალიბე კონსტრუქციების ტექნიკური საკითხები და გაუზიარეს საკუთარი გამოცდილება.

მხარეებმა, დასკვნით შეხვედრაზე, Gökdelen-ის პროდუქციის საქართველოს ბაზარზე უკეთ პოზიციონირებისა და გრძელვადიანი პარტნიორობის საკითხები განიხილეს.

ციტადელი უკვე 8 წელია Gökdelen-თან თანამშრომლობს და საქართველოს სამშენებლო სექტორს ეფექტურ, თანამედროვე და ხარისხზე ორიენტირებული გადაწყვეტილებებს სთავაზობს.