საინფორმაციო ტური PERI-ის ქარხანაში

24-26 სექტემბერს, კომპანია ციტადელისა და PERI-ს ორგანიზებით, სამშენებლო-დეველოპერული სფეროს წარმომადგენლები, საინფორმაციო ვიზიტით, თურქეთში, PERI-ს ქარხანას ესტუმრნენ.

2-დღიანი ტურის ფარგლებში, ვიზიტორები, პერის კორპორატიულ კულტურას, პრინციპებსა და ინოვაციურ მიდგომებს გაეცნენ.

დამთვალიერებლების განსაკუთრებული ინტერესი გამოიწვია როგორც საყალიბე და  ხარაჩოების სისტემებმა, ასევე PERI-ს ციფრულმა ტექნოლოგიებმა.

ვიზიტორთა შორის - „ჰიტეკო ჯგუფის“,  „რუსთავი თაუერს ჰოლდინგის“,  „ბილდველის“, „იდეა ინდუსტრიის“,  „ლიდერ ბილდინგის “,  „სიტი 19-ის“, „მონსის“, „ADK სოლუშენის“- დამფუძნებლები, ინჟინრები და შესყიდვების ხელმძღვანელები იყვნენ.

კომპანია „რუსთავი თაუერს ჰოლდინგის“ დამფუძნებელმა, ვიტალი გოგიამ ვიზიტის შეფასებისას, ბრენდის სტანდარტებზე ისაუბრა:

„PERI-ს ხარაჩოების სისტემები მართლაც შთამბეჭდავია - მათი სტაბილურობა, მრავალფუნქციურობა და ხარისხის დონე მაღალი სტანდარტების მაგალითია. სწორედ ასეთ საიმედო სისტემებზეა დამოკიდებული სამშენებლო პროცესის უსაფრთხოება და ეფექტიანობა.“

„ობიექტზე PERI-ს საყალიბე სისტემა HANDSET Alpha-ს აქტიურად ვიყენებთ და ნამდვილად კმაყოფილები ვართ. ქარხანაში წარმოების პროცესის გარდა, გავეცანით ხარისხის კონტროლის მექანიზმებს, რაც მნიშვნელოვანი ფაქტორია სამშენებლო ობიექტზე მუშაობისას“ - არტურ აირაპეტიანი, შპს „მონსის“ დამფუძნებელი.

საინფორმაციო ვიზიტების მნიშვნელობაზე „ჰიტეკოს“ თანადამფუძნებელმა, ვანო მეფარიშვილმა ისაუბრა - „მსგავსი საინფორმაციო სახის ვიზიტები საშუალებას გვაძლევს მიღებული გამოცდილება პრაქტიკაში დავაინტეგრიროთ. ჩვენთვის მნიშვნელოვანია მშენებლობის პროცესი თანამედროვე სამშენებლო მასალითა და ინვენტარით ვაწარმოოთ. ამჟამად, საყალიბე სისტემა HANDSET Alpha-ს  ვიყენებთ, რომელიც უნივერსალურია და მარტივია ობიექტზე სამუშაოდ“.

საერთაშორისო დონეზე არსებული გამოცდილებისა და ცოდნის გაზიარების მიზნით, ციტადელში მსგავსი სახის აქტივობები წელიწადში რამდენჯერმე ტარდება, რაც ქართული სამშენებლო ბაზრის გაძლიერებას უზრუნველყოფს.

ციტადელი - PERI-ს ოფიციალური წარმომადგენელი საქართველში!