ციტადელი Caucasus Build 2025-ზე

25, 26 და 27 აპრილს, Expo Georgia-ს საგამოფენო სივრცეში, რიგით 30-ე სამშენებლო მასალების საერთაშორისო გამოფენა Caucasus Build გაიმართა. 

წელს, ციტადელმა, ორი კატეგორია წარადგინა - ჰიდროიზოლაცია და ლაქ-საღებავები.

პირველ საგამოფენო სივრცეში, ლაქ-საღებავების ბერძნული ბრენდი - CHROMODOMI იყო წარმოდგენილი.

ქრომოდომის სტენდზე ვიზიტორებს საშუალება ჰქონდათ გაცნობოდნენ პროდუქციის ასორტიმენტს, მიეღოთ პროფესიონალთა კონსულტაცია და წარმოდგენილი ნიმუშების დახმარებით, შეეფასებინათ სხვადასხვა ზედაპირისთვის განკუთვნილი საღებავები. ერთ-ერთი მთავარი აქცენტი საბავშვო ოთახის საღებავზე, მათ შორის დაფის საღებავზე გაკეთდა.

მეორე საგამოფენო სივრცეში, ვიზიტორები, ჰიდროსაიზოლაციო მასალების ბრენდების - KRZ, FOX BAU, MAPEI, ICOPAL - სრულ ასორტიმენტს გაეცნენ. 

დამთვალიერებლისთვის ხელმისაწვდომი იყო ყველა ის მასალა, რომელიც გამოიყენება სახურავის, საძირკვლის, აუზის, ხიდების, გვირაბების და სხვა ჰიდროსაიზოლაციო სამუშაოების მოსაწყობად. 

დამთვალიერებლებს საშუალება ჰქონდათ კონსულტაცია გაევლოთ ციტადელის ინჟინრებთან ბიტუმო-პოლიმერულ და წასასმელ ჰიდროსაიზოლაციო მასალებზე, ბეტონის დანამატებზე, მემბრანებსა და სხვა მასალებზე.

ყოველწლიური გამოფენა, დაინტერესებულ პირებს, საშუალებას აძლევს გაეცნონ სამშენებლო და სარემონტო მიმართულებით უახლეს ტენდენციებს, დაამყარონ სასარგებლო კონტაქტები და აღმოაჩინონ თანამედროვე პროდუქტები. 

ღონისძიებაზე მონაწილეობას სამშენებლო-სარემონტო სფეროს წარმომადგენელი 200-მდე კომპანია იღებდა.