ყველაზე მასშტაბური სამშენებლო გამოფენა, BAUMA 2025, დასრულდა

მიუნხენში ყველაზე მასშტაბური სამშენებლო გამოფენა, BAUMA 2025, დასრულდა. რიგით 34-ე გამოფენაზე, საკუთარი პროდუქცია დამთვალიერებელს, 57 ქვეყნის 3 601-მა კომპანიამ წარუდგინა.

გარე და შიდა სივრცეებისგან დაკომპლექტებული საგამოფენო ტერიტორია 614 000 კვადრატულ მეტრს აერთიანებდა.

გამოფენაზე, ერთ-ერთი გამორჩეული მონაწილე PERI იყო. კომპანიამ 100-ზე მეტი ექსპონენტი წარადგინა და სტენდზე 260 000-ზე მეტ დამთვალიერებელს უმასპინძლა.

ციტადელის საინჟინრო გუნდი, PERI-ს შოურუმში, ქართველ ვიზიტორებს მასპინძლობდა.

მონაწილე კომპანიებს შორის ციტადელის სხვა არაერთი პარტნიორი იყო, მათ შორის - ZOOMLION, XCMG, GOCMAKSAN და GOKDELEN.

ციტადელის გუნდმა აქტიურად იმუშავა იმისათვის, რომ ქართულ სამშენებლო-დეველოპერულ ბაზარს სიახლეები, მათ შორის ახალი ბრენდები წარუდგინოს.

უკვე არსებულ და პოტენციურ პარტნიორებთან აქტიური დიალოგის შედეგებს მიმდინარე წლის განმავლობაში გაეცნობით.

მომდევნო გამოფენა 2028 წელს გაიმართება და ციტადელი კვლავ აქტიურად გააშუქებს. მანამდე კი 25-დან 27 აპრილის ჩათვლით, საქართველოში, “სამშენებლო მასალების საერთაშორისო გამოფენაზე” ციტადელი ლაქ-საღებავებისა და ჰიდროიზოლაციის ბრენდებს წარადგენს.