გაიცანი ციტადელის პარტნიორი - გლდანი ინნი

კომპანია ციტადელის საქმიანობის არეალის ზრდის პროპორციულად, მზარდია პარტნიორთა რაოდენობაც. 

ციტადელის მასშტაბურ პარტნიორთა შორის არის გლდანი ინნი.

პროექტის კონცეფციაზე, უძრავი ქონების ბაზრის ტენდენციებსა და კომპანია ციტადელთან თანამშრომლობის შესახებ, გლდანი ინნ-ის დამფუძნებლებს - ლერი ვარდოშვილსა და ბუბა ჩანქსელიანს ვესაუბრეთ. 

მშენებლობა ციტადელის მიერ ექსკლუზიურად  წარდგენილი გერმანული ბრენდის, PERI-ს საყალიბე სისტემების გამოყენებით მიმდინარეობს, რაც შესრულებული მონოლითური სამუშაოების ხარისხის გარანტია. 

ციტადელის მიდგომებზე და შერჩეული სამშენებლო ინვენტარის შესახებ - კომპანიის პროექტების მოზიდვისა და ბიზნეს განვითარების ხელმძღვანელი, სიმონ ჯაფარიძე გვესაუბრება. 

გლდანი ინნ-ის პროექტი მასშტაბურია, თავისი მოცულობითა და კომპლექსურობით, გვესაუბრეთ ინნ-ის პროექტის შესახებ, რა სტრატეგია გაქვთ არჩეული და რატომ იქნება პროექტი გამორჩეული? 

გლდანი ინნი კომპანიის გამორჩეული პროექტია. ის გლდანის ურბანულ ცენტრშია განთავსებული და მას რამდენიმე  ფაქტორი გამოარჩევს, რომელზე ფიქრიც პროექტის იდეის გაჩენის დღიდან დავიწყეთ. ტერიტორიის მასშტაბებმა საშუალება მოგვცა პროექტზე  ფუნქციურად სწორად გვეფიქრა და არქიტექტურული თვალსაზრისითაც გამორჩეული ყოფილიყო. ჩვენი მიზანი იყო, მომხმარებლებისთვის, ხარისხიანი პროდუქტი შეგვეთავაზებინა და გლდანის, როგორც  დიდი უბნის, ურბანულ განვითარებაში დასამახსოვრებელი წვლილი  შეგვეტანა. თანამედროვე არქიტექტურული შენობებით და ინფრასტრუქტურით აღჭურვილი მრავალფუნქციური კომპლექსი,  პირველი ცათამბჯენების პრეცედენტია რაიონში და ამავდროულად, ყველაზე დიდი, 2 ჰექტარზე გაშლილი ეზო აქვს. სწორედ ეს არის მეგაპროექტის მთავარი უპირატესობები, რომელიც გლდანი ინნ-ს უნიკალურს ხდის. - ბუბა ჩანქსელიანი

რა არის დღეს თქვენთვის მთავარი გამოწვევა? 

მომხმარებლის კმაყოფილება დღეს დეველოპერისთვის ერთ-ერთი მთავარი გამოწვევაა.  განვითარებასთან ერთად, მომხმარებელიც განვითარდა. ისეთი მნიშვნელოვანი გადაწყვეტილების მიღებისას როგორიც საცხოვრებლის შეძენაა, ადამიანი უფრო მეტ დეტალს აქცევს ყურადღებას. არამარტო ბინას და მშენებლობის ხარისხს, არამედ ინფრასტრუქტურას და გარემოს, რომელიც მას მშვიდ და კომფორტულ ცხოვრებაში ეხმარება: ეზოს, პარკინგს, ბავშვთა გასართობ ზონებს, ხელმისაწვდომობას სხვადასხვა სერვისზე  დ.ა.შ  ჩვენი მიზანია სწორედ ავყვეთ მომხმარებლების მოთხოვნილებებს და მათ ისეთი საცხოვრებელი სივრცეები შევთავაზოთ, რომელიც თანამედროვე ცხოვრებაში დაეხმარებათ. გლდანი ინნი-ს პროექტის დაგეგმარება ამის შესაბამისად გავაკეთეთ და პროექტის წარმატებაც სახეზეა. მცირე დროში უკვე 500 ზე მეტმა ოჯახმა გადაწყვიტა მეგაპროექტის ბინადარი გამხდარიყო და მათი რიცხვი ყოველდღიურად იზრდება. - ბუბა ჩანქსელიანი

საინტერესოა, შეიცვალა თუ არა ბინის შერჩევის კრიტერიუმები. რაზე აკეთებს დღეს მომხმარებელი მთავარ აქცენტს და როგორ იყო წარსულში? 

წარსულში, დეველოპერულ სექტორში მომხმარებლებისთვის ბინის შერჩევის დროს ძირითადად 2 კრიტერიუმი იყო მნიშვნელოვანი - მშენებლობის ხარისხი და სანდოობა. ბაზარზე იყო შემთხვევები, როდესაც მიმდინარე მშენებლობები დროზე ვერ დასრულდა და ამან სანდოობის პრობლემა გააღრმავა. დღეს ეს მხარე როგორც წესი მოგვარებულია, რადგან ერთის მხრივ კომპანიის რეპუტაცია და მისი გამოცდილება მარტივად შეგიძლია დაადგინო და მეორეს მხრივ, გამოცდილი კომპანიების სამშენებლო პროექტებს საბანკო სექტორი აზღვევს. გლდანი ინნის პროექტის პარტნიორი საქართველოს ბანკია და იგი ერთგვარი დამატებითი გარანტია იმისა, რომ მშენებლობა დათქმულ ვადებში დასრულდება. ამის გამო ბინის შეძენისას მომხმარებლისთვის სხვა ფაქტორები უფრო მნიშვნელოვანია, რომელზეც იგი ყურადღებას ამახვილებს. მაგალითად ინფრასტრუქტურული ნაწილი, რომელიც ხარისხიანი ცხოვრების საშუალებას მისცემთ. სადარბაზოს ინფრასტრუქტურა, ეზო და სივრცეები სადაც ოჯახები ბავშვებთან ერთად დროს გაატარებენ, პარკინგი, საზოგადოებრივი ტრანსპორტის ხელმისაწვდომობა, მეტროსთან სიახლოვე,  ხედები და ა.შ. - ბუბა ჩანქსელიანი

მშენებლობის ხარისხზე მრავალი სხვადასხვა ფაქტორი მოქმედებს, მათ შორის არის კვალიფიციური პერსონალი, სწორად შერჩეული მასალები და პარტნიორი. რა კრიტერიუმებით ირჩევთ პარტნიორ კომპანიებს და სამშენებლო მასალებს? 

როგორც იცით, გლდანი ინნი ჩვენი პრემიუმ პროექტია და ამიტომ სამშენებლო მასალების ხარისხი უპირველესია. სამშენებლო მიმართულებას პროფესიონალების გუნდი კურირებს და პროდუქტების შესყიდვაც ხარისხის პრიორიტეტის მიხედვით ხდება. სამშენებლო ბაზარზე დიდი ხანია ვართ და ამ დროის განმავლობაში გამოცდილებაც დაგვიგროვდა, რომელიც გვეხმარება იმ კომპანიებს ვენდოთ, რომლებიც წლების მანძილზე წარმატებულად ფუნქციონირებენ. მიუხედავად იმისა რომ გამოყენებული მასალის პერიოდულ კონტროლს ვახორციელებთ, მასალების მოწოდება შესაბამისი სერტიფიკატების მიხედვით ხდება და ეს გვეხმარება პროცესები უფრო სწრაფად ვმართოთ და იმ კომპანიებს ვენდოთ, რომლებიც მშენებლობაში გამოყენებული მასალების ევროპულ სტანდარტს აკმაყოფილებენ. - ლერი ვარდოშვილი

რა ნაწილში თანამშრომლობთ კომპანია ციტადელთან და რამ განაპირობა კომპანიებს შორის ჩამოყალიბებული მჭიდრო თანამშრომლობა?

ციტადელთან სხვა წარმატებული პროექტების გამოცდილება გვაქვს და ჩვენი თანამშრომლობა რამდენიმე წელს ითვლის. სწორედ წარსულმა გამოცდილებამ განაპირობა ის სანდოობა, რომელიც დღეს გვეხმარება პროცესები უფრო სწრაფად და ხარისხიანად ვმართოთ. ამ ეტაპზე, ჩვენი თანამშრომლობა გლდანი ინნი-ს პროექტში, რამდენიმე მიმართულებას მოიცავს. მათ შორის შეგვიძლია აღვნიშნოთ კოშკურა ამწეების მიმართულება, რაც სერვისში გამოცდილი ოპერატორების ჩართულობასაც ითვალისწინებს. ასევე ხაზგასასმელია გერმანული კომპანია PERI-ს საყალიბე და ხარაჩოების სისტემები, რომელიც გვეხმარება სამშენებლო პროცესები უფრო მოქნილი, უსაფრთხო და ხარისხიანი გვქონდეს. 

დეველოპერულ სექტორში მნიშვნელოვანია იცოდე მშენებლობაში საჭირო მასალები და მათი ხარისხობრივი მიმართება, ასევე, გამოცდილი კომპანიები, რომლებიც ამ პროდუქტების მიწოდებაში დაგეხმარებიან და  დარწმუნებული იყო, რომ შედეგი კარგი გექნება. - ლერი ვარდოშვილი

მომხმარებლის უკუკავშირსა და გაყიდვების მაჩვენებელზე დაყრდნობით, როგორ შეაფასებდით 2024 წელს და რა მოლოდინები გაქვთ მიმდინარე წელს?

2024 წელიწადი პოზიტიურად შევაფასეთ.  გლდანი ინნ-ის გაყიდვები ივნისის თვეში დავიწყეთ. პირველი დღიდან ინტერესი მაღალი იყო და სწორედ ამის შედეგია, რომ დღეისთვის მეგაპროექტის საცხოვრებელი ბინების 50% -მდე რეალიზებულია. მინდა მადლობა გადავუხადო თითოეულ მათგანს ნდობისთვის და იმისთვის რომ თავიანთი მომავალი საცხოვრებელი, მართლაც რომ გამორჩეულ პროექტს დაუკავშირეს. როგორც იცით, კომპლექსში ყველაზე მაღალი 3 ბლოკის მშენებლობა ერთდროულად მიმდინარეობს და სამუშაოები გადაჭარბებით გვაქვს შესრულებული. ჩვენი გეგმაა რომ 2025 წელს ისევ ეს ტემპი შევინარჩუნოთ და წლის ბოლოსთვის უკვე თვალშისაცემი იყოს პროექტის 1 ფაზის შესრულება ჩვენი არსებული თუ მომავალი მობინადრეებისთვის. - ლერი ვარდოშვილი

დამკვეთებს, რომლებიც სამშენებლო სამუშაოებისთვის მასალების შერჩევას იწყებენ, აქვთ კონკრეტული მოთხოვნები და წინასწარ შედგენილი კრიტერიუმები. გვესაუბრეთ გლდანი ინნ-ის ქეისზე. 

გლდანი ინნ-ის გუნდის მთავარ მოთხოვნას - მშენებლობის სწრაფი ტემპით განხორციელება წარმოადგენდა, შესაბამისად, ჩვენი საინჟინრო გუნდის რეკომენდაციით შევარჩიეთ გერმანული ბრენდი PERI-ს  ვერტიკალური საყალიბე სისტემა - HANDSET ALPHA  და გადახურვის ფილის  სისტემა - ALPHADECK. 

ხარისხის და შერჩეული ბრენდის სანდოობის გარდა, ერთ-ერთ მნიშვნელოვან კრიტერიუმს საყალიბე სისტემების მსუბუქი წონა წარმოადგენდა. რაც პირდაპირპროპორციულად სწრაფ და გამარტივებულ სამუშაო პროცესს გულისხმობს. გარდა ამისა, ობიექტი მოვამარაგეთ PERI-ს  სამშენებლო კოჭით, დგარითა და სხვა სამშენებლო პროდუქციით. 

გლდანი ინნ-ის პროექტის მასშტაბიდან გამომდინარე  ციტადელის მიერ დამონტაჟდა 3 ერთეული კოშკურა ამწე. რომელიც მნიშვნელოვნად დააჩქარებს სამშენებლო პროცესს, გაზრდის ეფექტურობას და უზრუნველყოფს სამუშაოების უსაფრთხოდ შესრულებს.  ამ შემთხვევაშიც ინნ დეველოპმენტის გუნდის მოთხოვნის შესაბამისად უახლესი, 2024 წლის თანამედროვე სისტემებით აღჭურვილი კოშკურა ამწეები დავამონტაჟეთ.  (ერთი ერთეული  DAHAN ორი ერთეული HSH).

პროექტი ხორციელდება ციტადელის თანამედროვე ინოვაციური სისტემების  და მასალის გამოყენებით, რაც ბუნებრივია უზრუნველყოფს მშენებლობის მაღალ ხარისხს. - სიმონ ჯაფარიძე 

უკანასკნელი წლების განმავლობაში, ქართული დეველოპერული ბაზარი მკვეთრად მზარდია, ვითარდება სამშენებლო სექტორი და იზრდება მოსახლეობის ინტერესიც უძრავი ქონების მიმართ. კომპანიები აქტიურად აფიშირებენ სამშენებლო ობიექტებზე გამოყენებული მასალების ხარისხზე, შესაბამისად, სამშენებლო მასალების იმპორტიორი კომპანიები, ორიენტირებულები არიან ბაზარს ხარისხიანი, კონკურენტუნარიანი და ინოვაციური პროდუქცია შესთავაზონ. საინტერესოა როგორ ხდება ციტადელის მიერ ბაზარზე ახალი პროდუქციის წარდგენა, როგორია თქვენი პრაქტიკა?

გეთანხმებით, თქვენს მიერ აღნიშნული ტენდენცია სრულიად ასახავს თანამედროვე სამშენებლო ბაზრის რეალობას. დეველოპერი კომპანიები დიდ ყურადღებას აქცევენ გამოყენებული მასალების ხარისხს, რაც თავის მხრივ ზრდის მოთხოვნას ხარისხიან, კონკურენტუნარიან და ინოვაციურ პროდუქციაზე. ციტადელი, როგორც სამშენებლო მასალების იმპორტიორი კომპანია, ამ გამოწვევას ღირსეულად პასუხობს და ბაზარზე ახალი პროდუქციის წარდგენისას კომპლექსურ მიდგომას იყენებს.

საწყის ეტაპზე საფუძვლიანად ვიკვლევთ  სამშენებლო ბაზარზე არსებულ ტენდენციებს, დეველოპერების მოთხოვნებსა და კონკურენტულ გარემოს. ეს საშუალებას გვაძლევს  დროულად ამოვიცნოთ პერსპექტიული პროდუქტები და შევაფასოთ მათი პოტენციალი.

შერჩევის დროს რა თქმა უნდა განსაკუთრებულ ყურადღებას ვაქცევთ პროდუქციის სანდოობას, ხარისხს, ფუნქციონალურობას და მსოფლიო ტენდენციიდან გამომდინარე ეკოლოგიურობას. 

შემდგომ ეტაპზე, პროდუქტის შერჩევისას განსაკუთრებული ყურადღება ინოვაციურობასა და კონკურენტუნარიანობას ექცევა. - სიმონ ჯაფარიძე 

აქვე მინდა ავღნიშნო რომ ჩვენი გუნდი პერმანენტულად ესწრება მსოფლიო მასშტაბის სამშენებლო გამოფენებს, შედეგად საშუალება გვაქვს გავიცნოთ ახალი ბრენდები, დავამყაროთ პარტნიორული ურთიერთობები, გავიზიაროთ მათი გამოცდილება  და დავნერგოთ ქართულ სამშენებლო ბაზარზე.