ციტადელისა და PERI-ს ორგანიზებით, გერმანიაში, მორიგი საინფორმაციო-პრაქტიკული ვიზიტი შედგა

Shaping The Future - იდეა, რომელიც 2018 წლიდან, PERI-სა და ციტადელის საქართველოში ერთობლივ პოზიციონირებას განსაზღვრავს, დღეს, არაერთ სამშენებლო თუ დეველოპერულ კომპანიას აერთიანებს. 

ციტადელისა და PERI-ს ორგანიზებით, გერმანიაში, კიდევ ერთი საქმიანი ვიზიტი შედგა.

ვიზიტორები წარმოადგენდნენ ისეთ სამშენებლო კომპანიებს, როგორც არის - “ლიდერ ბილდინგი 2022“,  „ენ ჰაიტი“,  „პრემიუმ ჰაუსი“, „ პალასი არტ დეველოპმენტი“, „იდეა ინდუსტრია“, „სმარტ დეველოპმენტი“,  „გრადა კონსტრაქშენი“,  „კალიდად კონსტრუქცია ტოტალ“ და „პროგრესი“ .

ტურის წევრებს შორის იყვნენ ქართული სამშენებლო და დეველოპერული კომპანიების დამფუძნებლები, არქიტექტორები, პროექტის მენეჯერები და შესყიდვების ხელმძღვანელები.

ვიზიტი, ტრადიციულად, რამდენიმე ეტაპისგან შედგებოდა. საინფორმაციო ნაწილს, პერის სათავო ოფისში, ულმში, Wolfgang Göggelmann-ი უძღვებოდა. 

პრაქტიკული ტური, პერის საგამოფენო სივრცეში როგორც საყალიბე, ასევე ხარაჩოების სისტემების მიმართულებით მოეწყო. 

ინჟინერმა Marc Schmied-მა, ქართველ ვიზიტორებს, სხვა სისტემებთან ერთად DUO, ALPHADECK, HANDSET ALPHA და TRIO გააცნო, ისაუბრა მასალების უპირატესობებსა და გამოყენების სპეციფიკაზე. 

ხარაჩოების მიმართულებით, მთავარი აქცენტები, PERI UP-სა და  EVOTOP-ზე გაკეთდა.

Marc Schmied-მა ისაუბრა EVOTOP-ის უახლესი სერიის ხარაჩოზე, რომელიც ხასიათდება ახალი შესაძლებლობებით, ეკონომიკური ეფექტურობითა და მოქნილობით, კერძოდ კი PERI UP-თან თავსებადობით. 

დელეგაცია პროდუქციის წარმოებისა და ინოვაციური, 3D პრინტერის მუშაობის პროცესსაც გაეცნო, ამასთანავე ჯგუფის წევრებმა გერმანელი ინჟინრებისგან საჭირო რეკომენდაციებიც მიიღეს.

საინფორმაციო ტურის შემდგომი შეფასებები, მონაწილე კომპანიების წარმომადგენლებისგან, ცხადყოფს სიახლეების გაზიარების მნიშვნელობას, სწორედ ამიტომ, კომპანია ციტადელის ინიციატივით, პერმანენტულად ტარდება მსგავსი შინაარსის აქტივობები - ვიზიტები საზღვარგარეთ პარტნიორ კომპანიებთან, საჯარო ლექციები და სხვა.

„PERI-ის ქარხანაში ვიზიტი საკმაოდ ნაყოფიერი იყო და თამამად შემიძლია ვთქვა, ვიზიტი შედგა. აქტიურად ვიყენებთ და ვიცნობ გერმანულ საყალიბე სისტემებს და ტექნიკას, მაგრამ დამატებით გავიგე ისეთი მნიშვნელოვანი ნიუანსები, რომლის გამოყენებითაც ობიექტებზე სამუშაოებს გავამარტივებთ. აქვე აღვნიშნავ, რომ ვაგრძელებთ ციტადელთან თანამშრომლობას და კმაყოფილი ვარ მათი მომსახურებით“ - ასე აფასებს „პალასი არტ დეველოპმენტის“  დამფუძნებელი ირაკლი ბაღდავაძე ციტადელისა და PERI-ს ორგანიზებით განხორციელებულ გერმანიაში ვიზიტს. 

„ჩემზე შთაბეჭდილება საყალიბე სისტემა DUO-მ მოახდინა, მასალა უნივერსალურია, საკმაოდ მსუბუქი და მარტივია, სამშენებლო ობიექტებზე კი  სიმარტივე ბევრ პრობლემას გვიხსნის. ვიზიტის დროს, გერმანელი კოლეგებისგან ბევრ სიახლეს გავეცანით და რა თქმა უნდა სამუშაო პროცესში აუცილებლად გავითვალისწინებთ.“ - „იდეა ინდუსტრიას“ შესყიდვების დეპარტამენტის ხელმძღვანელი, ირაკლი ცქვიტაია.

შეხვედრებით კმაყოფილება გამოხატა კომპანია „ლიდერ ბილდინგის“  პროექტ მენეჯერმა, გოგიტა გზობავამ - „თანამედროვე სისტემებით მშენებლობა ჩვენთვის მნიშვნელოვანია, ტურის განმავლობაში ბევრი საჭირო ინფორმაცია მივიღე, ყოველთვის ღია ვართ სიახლეების მიმართ და ამიტომ აქტიურად ვიყენებთ PERI-ს ინვენტარს მშენებლობაში.“

შეგახსენებთ, რომ PERI საქართველოს სამშენებლო ბაზარზე, ციტადელმა, 2018 წელს საკუთარი ბრენდის ქვეშ წარადგინა და დღეს, საქართველოში, ბევრილოიალური მომხმარებელი ჰყავს.