კომპანია ციტადელში Job Shadowing-ის საზაფხულო პროგრამა წარმატებით დასრულდა

კომპანია ციტადელში  Job Shadowing-ის საზაფხულო პროგრამა წარმატებით დასრულდა

აღნიშნული პროგრამის ფარგლებში ბიზნესისა და ტექნოლოგიების უნივერსიტეტის სტუდენტებს საშუალება ჰქონდათ სხვადასხვა მიმართულებით, სამუშაო პროცესებში ჩართულიყვნენ.

კომპანია ციტადელმა მარკეტინგისა და ფინანსურ დეპარტამენტში სტუდენტებს 1 კვირით უმასპინძლა.

სტუდენტებს საშუალება ჰქონდათ ჩართულიყვნენ ციტადელის ყოველდღიურ საქმიანობაში, გასცნობოდნენ სამუშაო სპეციფიკას და  გაეგოთ მეთოდები,  რომელსაც ციტადელის გუნდი იყენებს, როგორც ფინანსური პროცესების ასევე ციფრული მარკეტინგის მიმართულებით. 

22 ივლისს ბიზნესისა და ტექნოლოგიების უნივერსიტეტში Job Shadowing-ის პროგრამის შემაჯამებელი ღონისძიება ჩატარდა. ღონისძიების ფარგლებში  მივიღეთ უკუკავშირი სტაჟირებაში მონაწილე სტუდენტებისაგან და გადავეცით სერტიფიკატები. 

ციტადელი შრომით ბაზარზე აქტიური დამსაქმებელია და ცდილობს კარიერის საწყის ეტაპზე მყოფ სტუდენტებს ხელი შეუწყოს სხვადასხვა სტაჟირების პროგრამებითა თუ ღონისძიებებით. 

სწორედ ამიტომ ჩვენი გუნდისთვის მნიშვნელოვანი იყო მსგავსი სახის აქტივობაში მონაწილეობის მიღება. ვიმედოვნებთ ჩვენთან ერთად გატარებული ერთი კვირა მნიშვნელოვანი იქნება მათი შემდგომი კარიერული ზრდისთვისა და წარმატებისთვის. 

#დაგეგმეკარიერაციტადელში