სამდღიანი ტური გერმანიაში

გერმანიაში, ციტადელისა და PERI-ს ორგანიზებით, ქართული სამშენებელო კომპანიების წარმომადგენლებისთვის სამდღიანი ტური გაიმართა.

ვიზიტის პირველი დღე უძველესი ქალაქის - ულმის არქიტექტურის გაცნობით დაიწყო, სადაც გერმანული კომპანია PERI-ს უნიკალური სისტემები იყო წარმოდგენილი.

7 აგვისტოს, სპეციალურად ქართული დელეგაციისათვის, კომპანია PERI-ში საინფორმაციო ხასიათის ტური მოეწყო. მომხსენებელმა ანდრეა ფრანცმა შეხვედრა კომპანიის ისტორიის მიმოხილვით დაიყო, სადაც ყურადღება PERI-ს განვითარებასა და მის შესაძლებლობებზე გამახვილდა.

PERI-ს პრეზენტაციის შემდეგ გამომსვლელთა ტრიბუნა კომპანია ციტადელის წარმომადგენელს დაეთმო. გაყიდვების დეპარტამენტის ხელმძღვანელმა - გიორგი ასათიანმა აუდიტორიას ციტადელისა და PERI-ს ერთწლიანი თანამშრომლობის შედეგები გააცნო. პრეზენტაცია 2018 წლიდან დღემდე განხორციელებულ პროექტებს, აქტივობებს, დაგეგმილ ღონისძიებებსა და ვიდეო ჩვენებას მოიცავდა, სადაც PERI-ს ქართველ მომხმარებელთა შეფასებები იყო წარმოდგენილი.

გამოსვლების დასრულების შემდეგ, დამთვალიერებლებმა PERI-ს შოურუმში გადაინაცვლეს, სადაც წარმოდგენილი თითოეული პროდუქციის შესახებ მნიშვნელოვანი ინფორმაცია მიიღეს.

ვიზიტორები პროდუქციის წარმოების პროცესსა და დამზადების სპეციფიკას გაეცნენ - როგორც მუშავდება თითოეული დეტალი, რა შინაარსის მატარებელია და როგორ მიიღება მსოფლიოში აღიარებული პროდუქციის საბოლოო სახე.

ქართულ დელეგაციას „გალაქსი კონსტრაქშენის“, „სეუ დეველოპმენტის“, „ინ-სის“, “ელიტა ბურჯის“, „ტრანსმშენისა“ და „ბკ კონსტრაქშენის“ დამფუძნებლები და ინჟინრები წარმოადგენდნენ.

გაცნობითი სახის ტური გერმანიაში პერმანენტული ხასიათისაა და ის, ამჯერად, 6-8 აგვისტოს მოეწყო.