კომპანია ციტადელსა და საფკოს შორის ურთიერთთანამშრომლობის მემორანდუმი გაფორმდა

კომპანია „ციტადელის“ კომერციულმა დირექტორმა, ლევან გახელაძემ და  ჯანმრთელობის დაცვის და შრომის უსაფრთხოების კომპანია „საფკოს“ თანადამფუძნებელმა, დავით თხელიძემ ურთიერთთანამშრომლობის მემორანდუმს მოაწერეს ხელი.

მემორანდუმი, საფსკოს შრომის უსაფრთხოების სწავლების ნაწილში, ციტადელის  ჩართვას ითვალისწინებს. კერძოდ, კურსის მონაწილეები პრაქტიკულ სწავლებას ხარაჩოების სისტემების მიმართულებით, კომპანია ციტადელის ბაზაზე გაივლიან.  

ხარაჩოს ინსპექტორის საერთაშორისო საკვალიფიკაციო კურსის ფარგლებში კურსანტები სხვადასხვა ტიპის ხარაჩოებთან და სამუშაო პლატფორმებთან დაკავშირებული საქმიანობას შეისწავლიან.

კურსის თეორიულ ნაწილში მიღებულ ცოდნას უკვე პრაქტიკაში, ციტადელის ბაზაზე წარმოდგენილ PERI-ს, GOKDELEN-სა და ბაზის ჰოლდინგის ხარაჩოების სისტემების დახმარებით გადაიტანენ.

კომპანია ციტადელისთვის მნიშვნელოვანია სასწავლო დაწესებულებებთან მსგავსი ხასიათის ურთიერთთანამშრომლობა, ყოველთვის გამოთქვამს მზადყოფნას დაეხმაროს კომპანიებს კადრების გადამზადებაში, რაც მათ კვალიფიკაციის ამაღლებას განსაზღვრავს.