FIABCI უძრავი ქონების და ტურიზმის ფორუმი | ბათუმი 2023 დასრულდა

12 ივლისს, ქალაქ ბათუმში - „FIABCI უძრავი ქონების და ტურიზმის ფორუმი | ბათუმი 2023“ - ჩატარდა.

ღონისძიების ერთ-ერთი პარტნიორი, სამშენებლო-სარემონტო მასალების კომპანია „ციტადელი“ იყო. 

FIABCI-Georgia და Property Georgia-ს მიერ ორგანიზებულ ფორუმზე, აუდიტორიის წინაშე FIABCI-ის მსოფლიო Prix d’Excellence დაჯილდოების გამარჯვებულები და უძრავი ქონების საერთაშორისო ოსკარების მფლობელი კომპანიები წარდგნენ.  

ღონისძიებაზე საჯარო გამოსვლებთან ერთად, B2B შეხვედრები და პანელური დისკუსიები გაიმართა. 

ფორუმზე ყურადღება გამახვილდა საქართველოს საინვესტიციო პოტენციალზე, უძრავი ქონების მართვის უახლეს პრაქტიკაზე, გამოწვევებსა და შესაძლებლობაზე.

ფორუმს წამყვანი სამშენებლო-დეველოპერული კომპანიები, არქიტექტორები, ურბანისტები, ინვესტორები და ექსპერტები დაესწრნენ.