ციტადელი მწვანე ენერგიისა და ენერგოეფექტური ტექნოლოგიების სემინარზე

29-30 ივნისს, GEO-ს ორგანიზებით, მასპინძლობის სექტორში მცირე და საშუალო ზომის სასტუმროების მფლობელებისთვის (მცხეთა-მთიანეთის რეგიონიდან) გაიმართა სემინარი - მწვანე ენერგია და ენერგოეფექტური ტექნოლოგიები.

სემინარი განხორციელდა „მწვანე ენერგიის ტექნოლოგიების გავრცელების დაჩქარება ტურიზმის სექტორში“ პროექტის ფარგლებში.

პროექტი ხორციელდება GIZ-ის კლიმატის საერთაშირისო ინიციატივის (IKI ის) მცირე გრანტების პროგრამის ფარგლებში, გერმანიის ეკონომიკის საქმეთა და კლიმატის ცვლილების ფედერალური სამინისტროსა (BMWK) და ფედერალური საგარეო საქმეთა ოფისის (AA) ფინანსური მხარდაჭერით.

პროექტის მიზანია, ხელი შეუწყოს მასპინძლობის სექტორში მომუშავე მცირე და საშუალო ზომის სასტუმროებს ენერგოეფექტური მიდგომების შესახებ ინფორმაციის მიღებასა და ტექნოლოგიების დანერგვაში.

სემინარის ფარგლებში, კომპანია ციტადელიდან სპიკერებად მიწვეულები იყვნენ: კომერციული დირექტორი - ლევან გახელაძე და თბო-ხმის იზოლაციის განყოფილების ხელმძღვანელი - გიორგი ნადირაძე, მათ ისაუბრეს ენერგოეფექტური/თბო-ხმის საიზოლაციო მასალებისა და ტექნოლოგიების შესახებ.

აქვე შეგახსენებთ, რომ კომპანია ციტადელი, ენერგოეფექტური მასალების მიმართულებით არაერთი საერთაშორისო ბრენდის ექსკლუზიური პარტნიორია, მათ შორის რის: ROCKWOOL; ISOVER, PENOPLEX, PAROC, SANT-GOBEN, MAPEI, NORDECO, ISOROC, ISOTEC, INN-T GROUP და სხვა.