ციტადელის გუნდი PERI, გაყიდვების ასოციაციის ორგანიზებული თამაშის - "რა? სად? როდის?“- გამარჯვებული გახდა

გაყიდვების ასოციაციის ორგანიზებით, 20 ივნისს, დახურული ღონისძიება - "რა? სად? როდის?“ - ჩატარდა. 

ღონისძიებას ასოციაციის წევრი და პარტნიორი კომპანიების წარმომადგენლები ესწრებოდნენ. თამაში 14 მონაწილე გუნდს შორის შედგა და მას გიორგი მოსიძე უძღვებოდა. 

კომპანია ციტადელი აქტივობას PERI-ის სახელით შეუერთდა. გუნდი ციტადელის პარტნიორი კომპანიების წარმომადგენლებისგან იყო დაკომპლექტებული. 

თამაში - „რა? სად? როდის?“ - ციტადელის გუნდის გამარჯვებით დასრულდა.

გამარჯვებული გუნდის წევრებს საჩუქრები ღონისძიების სპონსორი კომპანიების - „ედვაიზისა“ და „ჯეოსოფტის“ წარმომადგენლებმა გადასცეს.