მორიგი საინფორმაციო ვიზიტი თურქეთში, PERI-ს ქარხანაში
კომპანია PERI-ს მოწვევით, თურქეთში, მორიგი საინფორმაციო ტური შედგა.
ვიზიტი 3 დღეს გაგრძელდა და ციტადელის პარტნიორი სამშენებლო-დეველოპერული კომპანიების წარმომადგენლები დაესწრნენ.
„ალფა რეზიდენსი“, „გრადა“ , „ელემენტ ქონსთრაქშენი“, „ ოლ-პი ჯგუფი“, „ ვესტ დეველოპმენტი“, „კანოე“, „მშენებელთა ჯგუფი“ - დამთვარიელებლებს აღნიშნული კომპანიების დამფუძნებლები, შესყიდვების ხელმძღვანელები და ინჟინრები წარმოადგენდნენ.
ვიზიტის პირველ ნაწილი PERI-ს ცენტრალურ ოფისში შედგა, სადაც პრეზენტაციის სახით კომპანიის უკეთ გაცნობა მოხდა, შემდგომ კი შოურუმი გადაინაცვლეს, სადაც წარმოდგენილი PERI-ს სამშენებლო ინვენტარის სრული ასორტიმენტი დაათვალიერეს.
შეხვედრის ფარგლებში, ვიზიტორებს საშუალება ჰქონდათ, მეორადი მასალის რესტავრაცია/განახლების პროცესსაც დასწრებოდნენ.
ტურის დასკვნითი ნაწილი საქარიაში, PERI-ს ქარხანაში შედგა, სადაც ვიზიტორებს საშუალება ჰქონდათ საყალიბე სისტემა ALPHADECK-ის, სივრცითი და საფასადე ხარაჩოების, სამშენებლო დგარების და სხვადასხვა სპეც კონსტრუქციების წარმოების პროცესი ენახათ.
ვიზიტორების შეფასებით ტურის ფარგლებში თურქი კოლეგებისგან საკმაოდ საინტერესო რჩევები და რეკომენდაციები მიიღეს, რომელსაც გაითვალისწინებენ და გამოიყენებენ სამშენებლო ობიექტებზე.
„აღნიშნული ვიზიტი საკმაოდ ნაყოფიერი იყო, უშუალოდ პროცესში ვნახეთ თუ, როგორ მზადდება PERI-ს საყალიბე სისტემები, რაც შთამბეჭდავია. აღსანიშნავია, რომ საყალიბე სისტემებს გააჩნია ბევრი უპირატესობა, პირველ რიგში მაღალი ხარისხი და უსაფრთხოების სრული დაცვა. დროის მოკლე მონაკვეთში ხორციელდება სისტემის მონტაჟი და დემონტაჟი, რაც გაცილებით აადვილებს და აჩქარებს მშენებლობის პროცესს“ - აღნიშნა გრადა ქონსთრაქშენის პროექტ მენეჯერმა დავით ყიფშიძემ.
შთაბეჭდილებები გაგვიზიარა კომპანია მშენებელთა ჯგუფის პროექტ მენეჯერმა ალექსანდრე გეგეშიძემ: „მნიშვნელოვანია ჩვენს რეგიონში თანამედროვე სისტემების დანერგვა. რადგან ქვეყანაში ძალიან ბევრი მშენებლობა მიმდინარეობს, ვფიქრობ პერის საყალიბე სისტემები მსგავს საკითხებს ძალიან მარტივად გადაწყვეტს.“
კომპანია ციტადელი მუდმივად ზრუნავს ხელმისაწვდომი გახადოს ქართულ სამშენებლო ბაზარზე თანამედროვე და ინოვაციური სამშენებლო მასალები და სისტემები.
შეგახსენებთ, რომ ციტადელი PERI-ის ოფიციალური წარმომადგენელია საქართველოში.
