გაიცანი ციტადელის პარტნიორი - ბიქეი ქონსთრაქშენი

• როგორ ვითარდება სამშენებლო სექტორი, რა გამოწვევებია ბაზარზე და როგორ პასუხობს მათ ბიქეი ქონსთრაქშენი? 

ბიქეი ქონსთრაქშენი 30-წლიანი გამოცდილების მქონე, წამყვანი სამშენებლო კომპანიაა.

კომპანიას ზურგს უმაგრებს ათეული წლების განმავლობაში სხვადასხვა სირთულისა თუ სპეციფიკის პროექტებზე მუშაობის გამოცდილება.

კომპანიას წარმატებით განუხორციელებია ისეთი პროექტები, როგორიცაა: ბრენდული 5 ვარსკვლავიანი და ბუტიკური ტიპის სასტუმროები, საოფისე სივრცეები, საცხოვრებელი კომპლექსები, სავაჭრო ცენტრები და სხვა სამოქალაქო ობიექტების მშენებლობა. 

ამ გამოცდილებამ მოიტანა მიმდინარე პროექტების სიმრავლე. ამ დროისათვის ბიქეი ქონსთრაქშენის 700 000 კვადრატულის მოცულობის ფართს აშენებს. 

ამჟამად, ბიქეი ქონსთრაქშენში დასაქმებულია 1 200 ადამიანი, მათ შორის ინჟინრები, სპეციალისტები და სხვა კვალიფიციური პერსონალი. 

ყველაზე დიდი გამოწვევა რის წინაშეც ახლა ვიმყოფებით ჩვენ და სამშენებლო სექტორის სხვა კომპანიები არის კვალიფიციური კადრების დეფიციტია. 

• გვესაუბრეთ იმ მთავარ პრინციპ(ებ)ზე, რომელსაც კომპანია ბიქეი ქონსთრაქშენი ათეულობით წელია ერთგულად ემსახურება?

30 წლიანი ოპერირების განმავლობაში ბიქეი ქონსთრაქშენი ცდილობს დაამკვიდროს მშენებლობის უმაღლესი სტანდარტები ქართულ ბაზარზე და მხოლოდ ასეთი მაღალი სტანდარტების მქონე კომპანიას გააჩნია ასეთი მასშტაბური პროექტების განხორციელებისთვის საკმარისი ნდობა და რესურსები.

• როგორ ფიქრობთ, რა განსაზღვრავს საბოლოო პროდუქტის ხარისხს? 

მშენებლობისას, იმისათვის რომ საბოლოოდ ხარისხიანი პროდუქტი მივიღოთ მნიშვნელოვანია ბევრი ფაქტორი. განსაკუთრებით გამოვყოფდი კვალიფიციურ კადრებს და ხარისხიან სამშენებლო მასალას. 

კვალიფიციური კადრების რესურსს ჩვენივე სამშენებლო კოლეჯ „კონსტრუქტ2“-დან ვივსებთ, რომელიც 2017 წელს დავაფუძნეთ განათლებისა და მეცნიერების სამინისტროსთან ერთად. 

კონსტრუქტ2-ში სწავლა დაფინანსებულია, ასევე დაფინანსებულია კამპუსში ცხოვრება და სტუდენტები სწავლის პერიოდშიც იღებენ სტიპენდიას.
შემდგომ ეტაპზე, პრაქტიკული მეცადინეობების დროს, თბილისში ცხოვრებას უზრუნველყოფს ბიქეი ქონსთრაქშენი და ანაზღაურებასაც უხდის სტუდენტებს.

ჯამში 4 თვიანი, თეორიული და პრაქტიკული კურსის შემდეგ ყველა წარმატებული სტუდენტი საქმდება ბიქეი ქონსთრაქშენში, თუმცა აქვე ავღნიშნავ, რომ მათ აქვთ თავისუფალი არჩევანი ჩვენ ან ნებისმიერ სხვა სამშენებლო კომპანიას შორის. 

რაც შეეხება მეორე მნიშვნელოვან ფაქტორს, სამშენებლო მასალებს, მინდა ავღნიშნო, რომ  ჩვენი კომპანია სამშენებლო პროცესში მხოლოდ მაღალი ხარისხის, საერთაშორისო სტანდარტებისა და სერტიფიკატების მქონე მასალებს იყენებს. ,,ციტადელში“ სწორედ ასეთი პროდუქციაა წარმოდგენილი. კომპანია ბევრ საერთაშორისო, ექსკლუზიურ, ბრენდს გვთავაზობს. ეს კი თავისთავად, სექტორის განვითარებისთვის მნიშვნელოვანი ფაქტორია.

• სამშენებლო მასალების ბაზარზე არსებული კონკურენციის მიუხედავად, რისი მიხედვით ირჩევთ პარტნიორს და ზოგადად, როგორ ფიქრობთ, რამდენად მნიშვნელოვანია ბაზარზე ციტადელის პოზიციონირება/არსებობა.

„ციტადელში“  წარმოდგენილია მაღალი ხარისხის, სერტიფიცირებული და საერთაშორისო სტანდარტების პროდუქცია. 

კარგ პარტნიორულ ურთიერთობებს მაღალი ხარისხის მასალებთან ერთად განსაზღვრავს მოწოდების ვადებიც. 

„ციტადელი“ ჩვენი კომპანიისთვის დროში გამოცდილი, მნიშვნელოვანი პარტნიორია.

• და ბოლოს, გვესაუბრეთ კომპანია ბიქეი ქონსთრაქშენის 2023 წლის გეგმებზე.

როგორც აღვნიშნე, ამჟამად 20-მდე მიმდინარე პროექტი გვაქვს, რაც ჯამში 700 000 კვ.მ სამშენებლო ფართს მოიცავს, ჩვენი მიზანია, მიმდინარე პროექტების წარმატებით განხორციელება და ჩვენი პარტნიორებისთვის იმ დაპირებების შესრულება, რაც პროექტების განხორციელების დაწყებამდე იყო განსაზღვრული. 

რესპოდენტი: ბაკურ ბერეკაშვილი, ბიქეი ქონსთრაქშენის დირექტორი