სიახლეები

15 მაი. 2023

ელემენტ ქონსთრაქშენისა და ციტადელის თანამშრომლობის 11 წელი

საიმედო პარტნიორის ყოლა ნებისმიერი კომპანიისთვის წარმატების ერთ-ერთი გარანტია. 

მაშინ როდესაც კომპანია ციტადელი ქართულ სამშენებელო ბაზარზე პოზიციონირებას იწყებდა, ნდობა ერთერთმა პირველმა ელემენტ ქონსთრაქშენმა გამოუცხადა. 

ციტადელის გუნდის მთავარი პრინციპი მომხმარებლისადმი ერთგულება დღემდე შეუცვლელია. სწორედ ამ პრინციპმა და მათდამი დამოკიდებულებამ ციტადელის 11-წლიანი ისტორია განსაზღვრა.

როგორ აღვნიშნეთ, ციტადელის მრავალრიცხოვან პარტნიორთა რიგებში ერთ-ერთ მოწინავე ადგილს ელემენტ ქონსთრაქშენი იკავებს. 

კომპანიებს შორის 2011 წლიდან დაწყებული საქმიანი თანამშრომლობა, დღეს უკვე მეგობრულ ურთიერთობად იქცა. 

ახალი კამპანიის - „გაიცანი ციტადელის პარტნიორი“ - ფარგლებში, დღეს ელემენტ ქონსთრაქშენის საქმიანობასა და სამომავლო გეგმებზე შესყიდვების დეპარტამენტის ხელმძღვანელი, თამარ კაცაძე გვესაუბრება:

,,ელემენტ კონსტრაქშენი“ საზოგადოებისთვის კარგად ცნობილი ბრენდია, რომელიც ქართულ სამშენებლო სექტორში 2007 წლიდან ოპერირებს. დღეის მოცემულობით, კომპანია ფარავს არაერთ პროექტს ინდუსტრიული, ჰიდროტექნიკური და სამოქალაქო მშენებლობის მიმართულებით. იგი დამკვეთებს ოპტიმალურ კონსტრუქციულ გადაწყვეტებსა და თანამედროვე კონცეფციის პროექტირების სერვისს სთავაზობს. სამშენებლო კომპანიის პორტფოლიოშია  სხვადასხვა ინდუსტრიის ყველაზე მსხვილი წარმომადგენლები - საერთაშორისო თუ ადგილობრივი ბრენდების სახით. ,,ელემენტ კონსტრაქშენს“ მიღებული აქვს ISO 45001:2018 (პროფესიული ჯანდაცვისა და შრომის უსაფრთხოების სტანდარტი) და ხარისხის მართვის საერთაშორისო სტანდარტის ISO 9001:2015 სერტიფიკატი. დასახელებულია ნომერ პირველ ინდუსტრიულ სამშენებლო კომპანიად. იგი სამშენებლო სექტორის წამყვანი წარმომადგენლის ,,ელემენტ ჰოლდინგის“ წევრი კომპანიაა, რომელიც თავის მხრივ, 10-ზე მეტ წარმატებულ კომპანიას აერთიანებს. 

იმის მიუხედავად, რომ ქართულ სამშენებლო ბაზარზე არაერთი კომპანია ოპერირებს, ციტადელთან თანამშრომლობას თქვენ დღემდე აქტიურად აგრძელებთ. როდის დაიწყო კომპანიებს შორის ეს ურთიერთბა და რამ განაპირობა? 

ჩვენთვის მნიშვნელოვანია სამშენებლო სექტორში ახალი კომპანიებისა და აქედან გამომდინარე,  სექტორის განვითარების მხარდაჭერა.  შესაბამისად, ,,ციტადელთან“ თანამშრომლობა მისი დაარსების პერიოდიდან,  2011 წლიდან დავიწყეთ. წლების განმავლობაში, კომპანია დინამიურად განვითარდა და სამშენებლო მასალების ბაზარზე ერთ-ერთ წამყვან მოთამაშედ ჩამოყალიბდა. შესაბამისად, ჩვენს პარტნიორობასაც უწყვეტი ფორმა აქვს. 

სამშენებლო მასალების ბაზარზე არსებული კონკურენციის მიუხედავად, რატომ ირჩევთ კომპანია ციტადელს და ზოგადად, როგორ ფიქრობთ, რამდენად მნიშვნელოვანია ბაზარზე ციტადელის პოზიციონირება.

,,ელემენტ კონსტრაქშენი“ სამშენებლო პროცესში მხოლოდ მაღალი ხარისხის, საერთაშორისო სტანდარტებისა და სერტიფიკატების მქონე მასალებს იყენებს. ,,ციტადელში“ სწორედ ასეთი პროდუქციაა წარმოდგენილი. კომპანია ბევრ საერთაშორისო, ექსკლუზიურ, ბრენდს გვთავაზობს. ეს კი თავისთავად, სექტორის განვითარებისთვის მნიშვნელოვანი ფაქტორია.

შესყიდვების ხელმძღვანელის პოზიციიდან, როგორ შეაფასებდით ციტადელის მომსახურების დონეს?

,,ელემენტ კონსტრაქშენის“ პროექტები მუდამ წინასწარ განსაზღვრულ, დამკვეთის ინტერესებზე მორგებულ ვადებში სრულდება. ჩვენს პასუხისმგებლობას აღნიშნულ პროცესში პარტნიორების ასეთივე მიდგომა განსაზღვრავს. სწორედ ამიტომ ყოველთვის განსაკუთრებული ყურადღებით ვარჩევთ ვისთან ვითანამშრომლოთ. ერთ-ერთ ასეთ სანდო პარტნიორად ,,ციტადელი“ მიგვაჩნია. კომპანია არასდროს აგვიანებს ჩვენთვის განკუთვნილი მასალების დროულ და უსაფრთხო მოწოდებას.

გვესაუბრეთ ელემენტ კონსტრაქშენის  2023 წლის მიზნებსა და ციტადელის როლზე თქვენს სამომავლო გეგმებში.

,,ელემენტ კონსტრაქშენის“ 2023 წლის გეგმებში წამყვანი ადგილი კვლავ ინდუსტრიულ მშენებლობას უჭირავს - მოცვის გადამამუშავებელი საწარმო, ქოლორ გრუპის სასაწყობო შენობა, ბინეხის ღვინის ქარხანა,  ლიბო გრუპის ლოგისტიკური ცენტრი,  ალფა პეტის სასაწყობე შენობა,  სმარტის კომპლექსი, სონივა, ელთიბის საწარმო, ავერსი და ა.შ.  ამის პარალელურად, კომპანია აქტიურად თანამშრომლობს დეველოპერულ სექტორთან და მასშტაბურ პროექტებს ახორციელებს m² -თან, არქისთან, დადიანი რეზიდენსთან და ა.შ. აღნიშნულ პროექტებში აქტიურად გამოიყენება და დაგეგმილია ,,ციტადელის“ პროდუქციის გამოყენება, რომელიც გამორჩეულად მაღალ ხარისხთანაა ასოცირებული.