ციტადელი ჰოლდინგი ფორუმს ,,Construcion Georgia 2017“-ს დაესწრო

ციტადელი ჰოლდინგი  6 ივნისს BUSINESS GEORGIA-ს ორგანიზებით გამართულ ბიზნეს ფორუმს ,,Construcion Georgia 2017″-ს, დაესწრო.

ღონისძიების მთავარი მიზანი იყო ისეთი ეკონომიკური ფაქტორების განსაზღვრა, როგორიც არის სამშენებლო სექტორის როლი ქვეყნის ეკონომიკურ განვითარებაში და სტანდარტიზაციის  გავლენები სამშენებლო სექტორზე. ფორუმზე განიხილეს სამშენებლო სფეროში არსებული მდგომარეობა და განვითარების ტენდენციები, ენერგოეფექტურობის სტანდარტები – სტრატეგია და ვალდებულებები.

დისკუსია ასევე შეეხო, უსაფრთხოების ზომების შესაბამისობას საერთაშორისო სტანდარტებთან,  სამშენებლო ბაზარზე არსებულ მოთხოვნა-მიწოდების თანაფარდობას, მშენებლობისთვის საჭირო რესურსების მოძიებას, ინფრასტრუქტურის ბაზასა და ტექნოლოგიების გავლენას,  სამშენებლო ბიზნესის ფინანსირებასა და არსებულ რისკფაქტორებს, განხორციელებულ ინვესტიციებსა და ახალ შესაძლებლობებს.

ციტადელი ჰოლდინგი აქტიურად არის ჩართული საშენებლო სფეროში მიმდინარე პროცესებში, სწორედ ამიტომ, კომპანია აღნიშნული ღონისძიების სპონსორი და მხარდამჭერი იყო.