საინფორმაციო ტური გერმანიაში, PERI-ს ტექნოლოგიური უპირატესობების გასაცნობად

13-15 დეკემბერს, ციტადელის ორგანიზებითა და კომპანია PERI-ს მოწვევით, გერმანიაში, მორიგი საინფორმაციო ტური შედგა.

ვიზიტს, „ციტადელი საქართველოსა“ და „ციტადელი სომხეთის“ პარტნიორი სამშენებლო და დეველოპერული კომპანიის წარმომადგენლები ესწრებოდნენ.

ტრადიციულად, ღონისძიების პირველი ნაწილი PERI-ს სათაო ოფისში ვიზიტით დაიწყო, შემდეგ კი სტუმრები საგამოფენო სივრცეს ესტუმრნენ.
რაც შეეხება დასკვნით ნაწილს, პერის ქარხანაში შედგა, სადაც დამთვალიერებლები სამუშაო პროცესსა და პერის ტექნოლოგიურ უპირატესობებს გაეცნენ.

„საკმაოდ საინფორმაციო და დატვირთული ტური შედგა, საშუალება მოგვეცა რჩევები და რეკომენდაციები უშუალოდ გერმანელი კოლეგებისგან მიგვეღო. ადგილზე გავეცანით კომპანია PERI-ში არსებულ სიახლეებსა და სრულ ასორტიმენტს; დიდი იმედი მაქვს, რომ იმ სიახლეებს, რომლებსაც გერმანიაში გავეცანით, გადმოვიტანეთ და დავნერგავთ ჩვენს სამშენებლო ობიექტებზეც.“ - აღნიშნა კომპანია „იუნიქს დეველოპმენტის“ მთავარმა ინჟინერმა, ბექა ხართიშვილმა.

ასევე, საკუთარი შეფასება კომპანია „გუმბათი ჯგუფის“ პროექტების მენეჯერმა, ზურა დავითაძემაც გაგვიზიარა: „საკმაოდ საინტერესო ვიზიტი იყო, გავეცანით კომპანიაში არსებულ სიახლეებს. ჩემთვის ერთ-ერთი საინტერესო აღმოჩენა PERI-ს ხარაჩოების სისტემების უნივერსალურობა იყო.“

ვიზიტს გერმანიაში, პერი-ს ქარხანაში, “ანაგი დეველოპმენტის”, “იუნიქს დეველოპმენტის”, “გუმბათი ჯგუფის”, AYGEDZOR-ის და ORD DEVELOPMENT-ის წარმომადგენლები ესწრებოდნენ.

შეგახსენებთ, რომ ციტადელი მსგავსი სახის აქტივობებს პერმანენტულად ახორციელებს, რომ ადგილობრივი კომპანიებისათვის უფრო ხელმისაწვდომი გახადოს ყველა ის ინფორმაცია, რომელიც ხაზს უსვამს PERI-ს ტექნოლოგიურ და ინოვაციურ უპირატესობებს.