სიახლეები

2 დეკ. 2022

კომპანია ციტადელმა საქართველოს უნივერსიტეტის 3 სტუდენტს 500 ლარიანი სტიპენდია გადასცა

კომპანია ციტადელის ფინანსურმა დირექტორმა, ვახტანგ ჩქარეულმა და საქართველოს უნივერსიტეტის ხელოვნებისა და ჰუმანიტარულ მეცნიერებათა სკოლის დირექტორმა, თინათინ ღუდუშაურმა ურთიერთთანამშრომლობის მემორანდუმს მოაწერეს ხელი. 

მემორანდუმის მიზანია UG-ს სწავლაზე ორიენტირებული, მოტივირებული და წარმატებული სტუდენტების წახალისების მიზნით, სხვადასხვა ერთობლივი ღონისძიების დაგეგმვა ერთჯერადი სტიპენდიების, საჯარო ლექციებისა და მასტერკლასების სახით.

აღნიშნული მემორანდუმის ფარგლებში, კომპანია ციტადელმა, UG-ს არქიტექტურისა და ინტერიერის დიზაინის მეოთხე კურსის 3 სტუდნეტს - მაია მეხეშიძეს, ნინა ავდალიანს და ნინო ალადაშვილს ერთჯერადი, 500 ლარიანი სტიპენდია გადასცა. 

მომდევნო შეხვედრა, სტუდენტების ინიცირებით, სამშენებლო ობიექტზე ჩაინიშნა, სადაც  მიმდინარე სამუშაოებსა და გამოყენებული მასალების სპეციფიკას გაეცნობიან.