ციტადელის სტიპენდიის წარდგენა საქართველოს უნივერსიტეტის სტუდენტებთან
კომპანია ციტადელის წარმომადგენლები, 6 ივლისს, საქართველოს უნივერსიტეტის სტუდენტებს შეხვდნენ.
შეხვედრას არქიტექტურისა და ინტერიერის დიზაინის მიმართულების სხვადასხვა კურსის სტუდენტები ესწრებოდნენ.
ღონისძიებაზე, სტუდენტებს, კომპანიის საზოგადოებასთან ურთიერთობისა და მარკეტინგის დეპარტამენტის ხელმძღვანელმა - ნინო ღონიერაშვილმა ციტადელის სტიპენდის შესახებ ინფორმაცია გააცნო. კომპანიაში არსებული აქტიური ვაკანსიებისა და სტაჟირების პროგრამების შესახებ კი HR სამსახურის ხელმძღვანელმა - ლიკა გევორქოვმა ისაუბრა.
ვიზიტის დღეს არქიტექტურისა და ინტერიერის დიზაინის მიმართულების მეორე კურსის სტუდენტების კონსტრუირებისა და მაკეტირების საგნის საფინალო ნამუშევრების გამოფენა გაიმართა.
უნივერსიტეტის წარმომადგენლების ინიციატივით, ციტადელსა და UG-ს შორის სამომავლო აქტივობები დაიგეგმა, მათ შორის ურთიერთთანამშრომლეობის მემორანდუმის გაფორმება და საინფორმაციო-პრაქტიკული შეხვედრები ციტადელის საინჟინრო გუნდთან.
