ციტადელის წარმომადგენლობითი ვიზიტი თურქეთში Yapı - Turkeybuild Istanbul-ის გამოფენაზე

კომპანია ციტადელის წარმომადგენლები 24-27 მარტს, თურქეთში, სამშენებლო მასალებისა და ტექნოლოგიების საერთაშორისო გამოფენას - Yapı - Turkeybuild Istanbul-ს დაესწრნენ.

ვიზიტის მიზანს ახალი პარტნიორების მოძიება და საერთაშორისო ბრენდებით ასორტიმენტის გაზრდა წარმოადგენდა.

ღონისძიების ფარგლებში, ციტადელის ხელმძღვანელმა პირებმა, მონაწილე პარტნიორი კომპანიების GOKDELEN-ისა და SARAILY-ს წარმომადგენლებთან საქმიანი შეხვედრები გამართეს.

ასევე, აქტივობის ფარგლებში, ციტადელის კომერციული დირექტორი - არჩილ ლეჟავა და კორპორატიული გაყიდვებისა და დისტრიბუციის დეპარტამენტის ხელმძღვანელი - გიორგი ასათიანი PERI-ს თურქეთის ოფისს ესტუმრნენ და მმართველ დირექტორს - აიჰან აკპინარს შეხვდნენ. ვიზიტისას მხარეებმა მიმდინარე და სამომავლო გეგმები განიხილეს, ასევე, შოურუმში წარმოდგენილი საყალიბე კონსტრუქციები და მასალები დათვალიერეს. 

შეგახსენებთ, რომ Yapı - Turkeybuild Istanbul 1978 წლიდან იმართება და მასში უამრავი საერთაშორისო და ადგილობრივი კომპანია მონაწილეობს. წელს, 44-ე გამოფენაზე დამთვალიერებელს საშუალება ჰქონდა თურქულ კომპანიებთან ერთად, 16 ქვეყნის 30 მონაწილის პროდუქციას გაცნობოდა.