33 სამშენებლო პროდუქტი, რომელიც ქართულ ანბანს შეესაბამება

იცით თუ არა, როგორ ითარგმნება ქართულად სიტყვა „აპალოვკა“, „დანგრატი“ და ა.შ.? ბარბარიზმები სამშენებლო სფეროში - სწორედ ამ პრობლემასთან საბრძოლველად, დედა ენის დღესთან დაკავშირებით, სამშენებლო-სარემონტო მასალების კომპანია „ციტადელმა“ ერთგვარი სამშენებლო ტერმინების ქართული ლექსიკონი შექმნა.

კომპანიის აქტივობის მიზანი იყო, ჩვენი დამოკიდებულება გამოგვეხატა იმ არამატერიალური კულტურული მემკვიდრეობის ძეგლის მიმართ, რასაც დედა ენა ჰქვია“, აღნიშნავს „ციტადელის“ მარკეტინგისა და საზოგადოებასთან ურთიერთობის სამსახურის ხელძღვანელი, ნინო ღონიერაშვილი.

შედეგად, „ციტადელში“ არსებული რამდენიმე ათასი პროდუქტიდან სიმბოლურად 33 შეირჩა, რომელიც ქართული ანბანის 33 ასო-ნიშანს მოერგო. შერჩეული პროდუქცია კი სახალისო და მიმზიდველი ილუსტრაციების სახით გრაფიკოსმა დიზაინერმა, ლუკა კირკიტაძემ გამოსახა.

„ჩვენს სფეროში ძალიან დიდ პრობლემას წარმოადგენს ბარბარიზმები. უმეტესობა ჩვენგანმა არ იცის, თუ რას ნიშნავს, მაგალითად, სიტყვა „ყალიბი“, „დგარი“ და ა.შ. აღნიშნული სოციალური პროექტიც სწორედ ამ პრობლემის გადაჭრას მიეძღვნა, რაც, სიმბოლურად, დედა ენის დღეს მიეძღვნა“, გვიყვება ნინო.

დაათვალიერეთ 33 სამშენებლო პროდუქტის სახალისო პოსტერი და გაეცანით სამშენებლო სფეროს ყველაზე მნიშვნელოვან პროდუქტებს, რომელთა შეძენასაც „ციტადელის“ შოურუმში შეძლებთ.