საინფორმაციო ტური გერმანიაში LIEBHERR-სა და PERI-ის ქარხნებში

კომპანია ციტადელის ინიციატივითა და საერთაშორისო ბრენდების - PERI-სა და LIEBHERR-ის მოწვევით, საქართველოში არსებული სამშენებლო და დეველოპერული კომპანიების წარმომადგენლები გერმანიაში საქმიანი ვიზიტით იმყოფებოდნენ.

ორბი ჯგუფის, ალიანსი ჯგუფის, ნეოკონისა და სონნეტ კონსტრაქშენის წარმომადგენლებმა, ტურის ფარგლებში, კომპანია LIEBHERR-ის შოურუმში წარმოდგენილი ამწეები, მათ შორის კომპანიის პირველი ამწე და წარმოების პროცესი დაათვალიერეს.

ვიზიტორებს კომპანიის შესახებ ინფორმაცია რეგიონულმა მენეჯერმა, ალექსანდრე სიჩევმა გააცნო. აღსანიშნავია, რომ კომპანია ციტადელი 2019 წელს LIEBHERR-ის ოფიციალური წარმომადგენელი გახდა.

LIEBHERR-ის ისტორიაში, საქართველოდან გერმანიაში პირველი ვიზიტი, სწორედ ციტადელთან თანამშრომლობის ფარგლებში შედგა.

ვიზიტის მეორე ნაწილი კომპანია PERI-ს დაეთმო. ტურის ფარგლებში, სტუმრებმა კომპანიაში არსებული სიახლეებისა და ისტორიის შესახებ მოკლე ინფორმაცია მიიღეს.

შოურუმში წარმოდგენილი მასალებისა და საწარმოო პროცესის გაცნობასთან ერთად, PERI-ს წარმომადგენელმა სტუმრებს უახლესი სისტემა, გადახურვის ყალიბი - SKYMAX-ი წარუდგინა. აღნიშნული საყალიბე სისტემა გაყიდვაში 2020 წლიდან გამოჩნდება.

ციტადელსა და PERI-ს შორის თანამშრომლობის ფარგლებში გერმანიაში მეოთხე საინფორმაციო ტური შედგა.