ციტადელის წარმომადგენლობითი ვიზიტი "BAUMA 2019"-ზე

ციტადელის წარმომადგენლები, კომპანია PERI-ს მიწვევით, გერმანიაში გამართულ გამოფენაზე - „BAUMA 2019“ - საპატიო სტუმრების ამპლუით იმყოფებოდნენ. 

სამშენებლო მასალების, ტექნიკისა და დანადგარების მსოფლიო გამოფენა, რომელიც „BAUMA“-ს სახელით არის ცნობილი და სამ წელიწადში ერთხელ იმართება, მსოფლიო დონის კომპანიებს ერთ სივრცეში აერთიანებს. 

„BAUMA 2019“-ს ქართული სამშენებლო და დეველოპერული კომპანიების - „იუნიქს დეველოპმენტისა“ და „ნიუ ფორსის“ წარმომადგენლებიც ესწრებოდნენ. ვიზიტორები “PERI”-ს პროდუქციას, კომპანია ციტადელის ინიციატივითა და მოწვევით, გამოფენის ფარგლებში მოწყობილ შოურუმში გაეცნენ. 

ვიზიტის ფარგლებში, ციტადელის დელეგაციამ, PERI-ს დამფუძნებელთან - ალექსანდრე შვერერთან ოფიციალური შეხვედრა გამართა, სადაც მხარეებმა თანამშრომლობის შემდგომი ეტაპები განიხილეს. 

ციტადელის წარმომადგენლებს, გამოფენის პარალელურად, PERI-ს ქარხანაში საინფორმაციო ხასიათის ტური ჩაუტარდათ, რომელსაც „ნიუ ფორსის“ ხელმძღვანელები - ნიკოლოზ ყუბანეიშვილი და დავით მეტივიშვილიც ესწრებოდნენ. დამთვალიერებლებს კომპანიაში არსებული სიახლეებისა და ინოვაციური პროდუქციის შესახებ ინფორმაცია PERI-ს  რეგიონალური გაყიდვების მენეჯერმა მიაწოდა. 

შეგახსენებთ, რომ ციტადელი გერმანული კომპანია PERI-ს ოფიციალური წარმომადგენელია საქართველოში.