საინფორმაციო ტური „PERI“-ს ქარხანაში

„ციტადელის“ ინიციატივით, ქართული სამშენებლო და დეველოპერული კომპანიების წარმომადგენლები საქმიანი ვიზიტით, გერმანიაში, „PERI“-ს ქარხანაში იმყოფებოდნენ.

ვიზიტის ფარგლებში, „დომუს დეველოპმენტის“, „გუმბათის“, „ალიანს ჯგუფისა“ და „იუნიქს დეველოპმენტის“ წარმომადგენლებმა, „PERI“-ს შესახებ პრეზენტაცია მოისმინეს. პრეზენტაციაზე, რომელსაც ანდრეას ფრანცი უძღვებოდა, კომპანიის შესახებ მნიშვნელოვან დეტალებზე გამახვილდა ყურადღება.

კომპანიის ზოგადი მიმოხილვის დასრულების შემდეგ, ვიზიტორებს „პერის“ ქარხანაში გაცნობითი ხასიათის ტური ჩაუტარდათ, სადაც ისინი საყალიბე სისტემებისა და წარმოების სპეციფიკას გაეცნენ.

დამთვალიერებლები, ასევე, პერის საგამოფენო დარბაზს ესტუმრნენ და თითოეული პროდუქტის შესახებ კომპეტენტურის პირისგან ამომწურავი ინფორმაცია მიიღეს.

სტუმრებს საქართველოდან, „PERI”-ს საერთაშორისო პროექტების მენეჯერმა – მარკუს შილდმაც უმასპინძლა.

საქმიანმა ვიზიტმა გერმანიაში ორ დღეს გასტანა. არაოფიციალური ნაწილის დასრულების შემდეგ დელეგაცია ულმისა და ვაისენჰორნის ისტორიას გაეცნო.

შეგახსენებთ, რომ გაცნობითი ხასიათის ტური, რომელსაც კომპანიები – “ციტადელი” და “პერი” ერთობლივად ახორციელებენ პერმანენტული ხასიათისაა.