ციტადელი ,,სამშენებლო მასალებისა და დეველოპერების’’ მე-8 საერთაშორისო გამოფენაზე

კომპანია ციტადელი ,,სამშენებლო მასალებისა და დეველოპერების’’ მე-8 საერთაშორისო გამოფენაზე წარდგა.
“Batumi Build 2018”-ზე დამთვალიერებელი ციტადელის პროდუქციას, სამი დღის განმავლობაში, ორ ლოკაციაზე ეცნობოდა.
კომპანიამ პირველ სტენდზე საქმიანობის ექვსი მიმართულება წარადგინა – მეტალი, ჰიდროიზოლაცია, თბო და ხმის იზოლაცია, ფანერები/ფილები, ფითხი და სამშენებლო ტექნიკა; მეორე სტენდი საყალიბე სისტემებს, კონკრეტულად კი გერმანული კომპანია PERI-ს უნივერსალურ საყალიბე სისტემა DUO-ს დაეთმო.
გამოფენაზე მოსულ სტუმრებს საშუალება ჰქონდათ კოლონების, დიაფრაგმებისა და გადახურვის ფილებისთვის მოწყობილ საყალიბე სისტემას ადგილზე გასცნობოდნენ.
ღონისძიების ფარგლებში, ასევე, ციტადელმა PERI-ს მსოფლიო მასშტაბით განხორციელებული პროექტების ამსახველი ფოტომასალა წარადგინა.
კომპანია ციტადელისა და პროდუქციის შესახებ ინფორმაცია, სხვა დამთვალიერებლებთან ერთად, აჭარის მთავრობის თავმჯდომარემ თორნიკე რიჟვაძემაც მიიღო.
გამოფენაზე 5 ქვეყნის – საქართველოს, ირანის, აზერბაიჯანის, რუსეთისა და თურქეთის 60-მდე კომპანია მონაწილეობდა.
შეგახსენებთ, რომ კომპანია ციტადელი ,,სამშენებლო მასალებისა და დეველოპერების’’ საერთაშორისო გამოფენაზე უკვე მესამედ წარდგა.