ოქტომბრის თვე ციტადელმა ენერგო ეფექტურობის თემას მიუძღვნა
თელავსა და ქუთაისში ენერგო ეფექტურობის გამოფენა ჩატარდა, სადაც ციტადელმა პორტფელში არსებული ენერგოეფექტური მასალები წარადგინა.
ღონისძიებაზე მოსულმა დამთვალიერებლებმა მონაწილე კომპანიების წარმომადგენლებისგან ენერგოეფექტური და ენერგიის დამზოგავი მასალებისა თუ ტექნოლოგიების შესახებ კონსულტაციები მიიღეს.
ციტადელის სტენდზე ვიზიტორების განსაკუთრებული ყურადღება ქვაბამბაზე და მის დადებით მახასიათებლებზე გამახვილდა. კერძოდ, თბოიზოლაციის უნარზე, რომლის დახმარებითაც შესაძლებელია ხარჯების ოპტიმიზაცია, ასევე აქცენტები გაკეთდა მასალის ხანძარმედეგობასა და ეკოლოგიურობაზე.
ენერგო ეფექტურობის გამოფენა თელავში 17, ხოლო ქუთაისში 24 ოქტომბერს გაიმართა.
აქტივობა გერმანიის საერთაშორისო თანამშრომლობის საზოგადოების (GIZ) მდგრადი ურბანული განვითარების პროექტის (SUD) ფარგლებში ტარდება და მიზნად ისახავს ენერგოეფექტურობისა და განახლებადი ენერგიების შესახებ ცნობიერების ამაღლებას.
