CITADELI X 𝐆öç𝐌𝐚𝐤𝐒𝐚𝐧 წარმატებული თანამშრომლობა - საერთო სტანდარტები და ღირებულებები

სამშენებლო ინდუსტრია სწრაფად ვითარდება, რაც კომპანიებს მუდმივ ადაპტაციას მოითხოვს. ასეთ გარემოში განსაკუთრებით მნიშვნელოვანია სანდო და სტაბილური პარტნიორის არსებობა როგორც ადგილობრივ, ისე საერთაშორისო ბაზარზე. 

სწორედ ამის მაგალითია 𝐆öç𝐌𝐚𝐤𝐒𝐚𝐧‑ისა და 𝐂𝐢𝐭𝐚𝐝𝐞𝐥𝐢‑ს თანამშრომლობა - ორი ძლიერი ბრენდის ერთობლივი საქმიანობა, რომელიც უზრუნველყოფს ხარისხიან პროდუქტებსა და ეფექტურ მომსახურებას. 

პარტნიორი ბრენდის უკეთ გასაცნობად 𝐆öç𝐌𝐚𝐤𝐒𝐚𝐧-ის ექსპორტის გაყიდვების ხელმძღვანელ 𝐄𝐫𝐞𝐧 𝐁𝐚𝐥𝐚𝐦𝐢𝐫-ს ვესაუბრეთ.

რას ნიშნავს იყო გლობალურ ლიდერი?

გლობალური ლიდერობა გაცილებით მეტია, ვიდრე გაყიდვების მოცულობა ან საზღვრებს გადაცილებული ოპერირება. ჩვენთვის ლიდერობა განისაზღვრება ინდუსტრიის სტანდარტების დადგენით და მსოფლიოს მასშტაბით მრავალი მომხმარებლისთვის არმატურის საჭრელ‑საღუნი დანადგარების მრავალფეროვანი არჩევანის შეთავაზებით.

რა არის ის პრინციპ(ებ)ი, რაც საერთაშორისო პარტნიორის არჩევას უდევს საფუძვლად?

სწორი პარტნიორის არჩევა მოითხოვს გარკვეულ უნარებს, რომლებსაც ჩვენი პარტნიორი უნდა აკმაყოფილებდეს საკუთარ ქვეყანასა და სამშენებლო ინდუსტრიაში. კერძოდ: ბრენდის რეპუტაცია, გაყიდვების მხარდაჭერა, გაყიდვების შემდგომი მომსახურება და ტექნიკური მხარდაჭერა. სწორედ ეს საკითხებია ჩვენი მთავარი ფოკუსი საერთაშორისო პარტნიორების შერჩევისას. 

როგორ იქცა ციტადელისა და გოჩმაქსანის ათწლიანი თანამშრომლობა ნდობისა და სტაბილურობის სიმბოლოდ?

„ციტადელისა“ და 𝐆öç𝐦𝐚𝐤𝐬𝐚𝐧‑ის თანამშრომლობა წარმოადგენს საერთაშორისო ბიზნეს სინერგიის ეტალონს. საკუთარ ქვეყანაში ორივე მხარე ძლიერი ბრენდია და სწორედ ესაა ნდობის საყრდენი. იმედი გვაქვს და გვჯერა, რომ ჩვენი თანამშრომლობა კიდევ უფრო გაძლიერდება! 

სამშენებლო ბაზარი მუდმივი დინამიურობით ხასიათდება, როგორია თქვენი პასუხი სიახლეებზე? ხომ არ არის რაიმე ისეთი ახალი პროდუქტი, რომელიც 𝟐𝟎𝟐𝟔 წელს ბაზარზე წარადგინეთ?

სამშენებლო ინდუსტრიის ლანდშაფტი მოითხოვს სწრაფ ტექნოლოგიურ ევოლუციას. 𝐆öç𝐦𝐚𝐤𝐬𝐚𝐧 აქტიურად პასუხობს ინდუსტრიის ცვალებადობას ინოვაციური კვლევა-განვითარების მეშვეობით. განსაკუთრებულ ყურადღებას აქცევს ობიექტზე უსაფრთხოებას, ხმაურის შემცირებას და ენერგოეფექტურობას. მიმდინარე წელს ჩვენ მსოფლიოს მასშტაბით წარვადგინეთ ახალი დანადგარები, კერძოდ: პორტატული მოდელები, ჰიდრავლიკური საჭრელები და მასშტაბური არმატურის დასამუშავებელი მანქანები. 

საქართველოში ვიზიტის შემდეგ, რა მსგავსებები და განსხვავებები დაინახეთ თურქულ ბაზართან ან სხვა პარტნიორ ქვეყნებთან მიმართებით?

საერთო ნიშნები ნათლად აჩვენებს, რომ ორივე მხარე სწრაფად რეაგირებს ბაზრის ცვლილებებზე,  გამოირჩევა აქტიური გაყიდვებითა და გაყიდვების შემდგომი მხარდაჭერით. მათ ასევე აქვთ მნიშვნელოვანი მარაგების მოცულობა რაც პარტნიორობის კიდევ უფრო ამყარებს. 

განსხვავებები კი უფრო მეტად ევროპულ ბაზარზე ჩანს. იქ მარაგების მართვა ნაკლებად ორგანიზებულია და რეაგირების სისწრაფე შედარებით დაბალია. სწორედ ამ განსხვავებების ფონზე კიდევ უფრო თვალსაჩინოა 𝐆öç𝐦𝐚𝐤𝐬𝐚𝐧‑ისა და ციტადელის თანამშრომლობის ეფექტიანობა, რადგან ისინი ერთმანეთის ძლიერ მხარეებს აერთიანებენ. 

როგორია გოჩმაქსანის მომავალი გეგმები და ციტადელთან ურთიერთობის გაღრმავების ხედვა?

𝐆öç𝐦𝐚𝐤𝐬𝐚𝐧 ორიენტირებულია წარმოების შესაძლებლობების გაფართოებაზე ევროპის ერთ‑ერთ უდიდეს სპეციალიზებულ ქარხანაში, ასევე ინტენსიურად ვმუშაობთ ჭკვიანი ავტომატიზაციის მიმართულებით. ჩვენ აუცილებლად გავაგრძელებთ და უფრო მჭიდროდ ვიმუშავებთ ციტადელთან. 

გვახარბს ის ფაქტი, რომ საქართველოში გვყავს პარტნიორი, რომელიც ქვეყნის მასშტაბით ყველაზე დიდი სამშენებლო ტექნიკის მომწოდებელია.