ციტადელი ენერგოეფექტურობის გამოფენაზე

ენერგოეფექტური და მდგრადი გადაწყვეტილებების პოპულარიზაციის მიზნით, ზუგდიდსა და ბათუმში, ენერგოეფექტურობის გამოფენა გაიმართა.

ციტადელმა, სტენდზე, კომპანიაში არსებული ენერგოეფექტური მასალები წარადგინა, მათ შორის ქვაბამბა, XPS, სენდვიჩ პანელი და საწვავი ბრიკეტი.

გამოფენაზე წარმოდგენილი იყო თანამედროვე ენერგოეფექტური ტექნოლოგიები, ინოვაციური პროდუქტები და გადაწყვეტილებები, სამშენებლო და საყოფაცხოვრებო ეკო ტექნოლოგიები და ინტერაქციული აქტივობები.

ენერგიის დაზოგვისა და გარემოზე ზრუნვის ყოველდღიურობის ნაწილად ქცევა ერთ-ერთი მნიშვნელოვანი გამოწვევაა, სწორედ ამიტომ ადგილობრივი კომპანიების ერთგვარი პასუხისმგებლობაა საზოგადოებისთვის თანამედროვე ტექნოლოგიებზე ცნობიერების ამაღლება.

ციტადელი უკვე მეორე წელია აქტიურად ერთვება ენერგოეფექტურობის გამოფენაზე, გასულ წელს ღონისძიებას მესტიამ და სამტრედიამ უმასპინძლა.

გამოფენა გერმანიის საერთაშორისო თანამშრომლობის საზოგადოების (GIZ) ორგანიზებით ჩატარდა.