Fox Bau-ს საინფორმაციო-პრაქტიკული ტრენინგი ციტადელში

22-23 ივნისს, კომპანია ციტადელისა და FOX BAU-ს ორგანიზებით, საინფორმაციო-პრაქტიკული ტრენინგი ჩატარდა.

სამუშაო შეხვედრას ბრენდის რეგიონული მენეჯერი, ანასტასია გობიუთი და ტექნიკური მენეჯერი, ერდემ აკიუზი უძღვებოდნენ.

ტრენინგის ძირითად მიზანს სამშენებლო მასალების თეორიული და პრაქტიკული გამოცდილების გაზიარება წარმოადგენდა.

2-დღიან ტრენინგზე, FOX BAU-ს წარმომადგენლებმა, ბრენდის იმ ტექნოლოგიურ მასალებზე გაამახვილეს ყურადღება, რომლებიც სამშენებლო და სარემონტო სამუშაოების ეფექტიანობას ზრდის.

ტრენინგის პირველი დღე თეორიულ მიმოხილვას დაეთმო, ხოლო მეორე - პრაქტიკას, სადაც ციტადელის თანამშრომლებს შესაძლებლობა ჰქონდათ მიღებული ცოდნა პრაქტიკაში გამოეცადათ.

აქვე შეგახსენებთ, რომ 2023 წლიდან ციტადელი Fox Bau-ს ოფიციალური წარმომადგენელია საქართველოში. ბრენდის პორტფელი მოიცავს ჰიდროსაიზოლაციო სისტემებს, სამრეწველო და დეკორატიულ იატაკებს, ბეტონის დანამატებსა და სარემონტო ხსნარებს, რომლებიც წარმატებით იყიდება როგორც თურქეთში, ასევე მსოფლიოს 𝟒𝟎-ზე მეტ წამყვან ქვეყანაში.