გაიცანი ციტადელის პარტნიორი კომპანია - Fox Bau
ციტადელის პარტნიორი კომპანია 𝐅𝐨𝐱 𝐁𝐚𝐮, რომელმაც 𝟐𝟎𝟏𝟐 წლიდან სამშენებლო ქიმიის სფეროში საკუთარი ადგილი დაიმკვიდრა და დღეს უკვე 𝟑𝟎𝟎-ზე მეტ მაღალტექნოლოგიურ პროდუქტს აწარმოებს. მისი პორტფელი მოიცავს ჰიდროსაიზოლაციო სისტემებს, სამრეწველო და დეკორატიულ იატაკებს, ბეტონის დანამატებსა და სარემონტო ხსნარებს, რომლებიც წარმატებით იყიდება როგორც თურქეთში, ასევე მსოფლიოს 𝟒𝟎-ზე მეტ წამყვან ქვეყანაში.
ბრენდის ხედვისა და ღირებულებების უკეთ წარმოსადგენად, რეგიონულ მენეჯერ - ანასტასია გობიუთის ვესაუბრეთ.
მოგვიყევით თქვენს კომპანიაზე, რა მიზნებისა და პრინციპების მატარებელია?
𝐅𝐨𝐱 𝐁𝐚𝐮 მომხმარებელზე ორიენტირებული კომპანიაა, რომელიც თანამშრომელთა განვითარებასა და გუნდურ მუშაობას განსაკუთრებულ მნიშვნელობას ანიჭებს. 𝐅𝐨𝐱 𝐁𝐚𝐮-ს მისიაა მაღალი ხარისხის პროდუქციის მიწოდება საერთაშორისო ბაზრებზე. სწორედ ამ პრინციპებით ვქმნით სანდოობას და გლობალურ წარმატებას.
საინტერესოა კომპანია ციტადელთან პარტნიორობის ისტორია, როდის დაიწყეთ თანამშრომლობა და რა საერთო ფასეულობები გაერთიანებთ?
ჩვენი, 𝐅𝐨𝐱 𝐁𝐚𝐮-სა და 𝐂𝐢𝐭𝐚𝐝𝐞𝐥𝐢-ს, წარმატებული თანამშრომლობა 𝟐𝟎𝟐𝟑 წელს დაიწყო და მოკლე დროში გადაიზარდა სრულფასოვან სტრატეგიულ პარტნიორობად. პირველი სატელეფონო კონტაქტის შემდეგ ურთიერთობა სწრაფად გადავიდა პირად შეხვედრებზე, რასაც მალევე მოჰყვა 𝐂𝐢𝐭𝐚𝐝𝐞𝐥𝐢-ს წარმომადგენლების ვიზიტი 𝐅𝐨𝐱 𝐁𝐚𝐮-ს საწარმოო კომპლექსში, რომელმაც საფუძველი ჩაუყარა შემდგომი თანამშრომლობის განვითარებას.
პირველივე საუბრისას ნათელი გახდა, რომ ორივე კომპანიას აერთიანებს საერთო ღირებულებები და ერთიანი ხედვა ბაზრის მიმართ. ჩვენი მთავარი მიზანია მომხმარებლის საჭიროებების საფუძვლიანი ანალიზი და ისეთი გადაწყვეტილებების შეთავაზება, რომლებიც ერთდროულად უზრუნველყოფს მაღალ ხარისხს, სანდოობასა და ტექნოლოგიურობას. ამასთან, ორივე მხარე სწრაფად რეაგირებს ბაზრის მოთხოვნებზე, რომელიც დღეს საჭიროებს ინოვაციურ პროდუქტებს, პროფესიულ ტექნიკურ მხარდაჭერას და ოპერატიულ გადაწყვეტილებებს.
რა მასალებს აწარმოებს თქვენი ბრენდი და ამ პორტფელიდან რომელი კატეგორიის ექსპორტი ხდება საქართველოში?
𝐅𝐨𝐱 𝐁𝐚𝐮-ს პროდუქციის პორტფელი ინოვაციური სისტემებით ქმნის სრულ სამშენებლო გადაწყვეტას. როგორიცაა: ბეტონის სარემონტო ხსნარები, ჰიდრო და თბოიზოლაციის მასალები, ასევე გარე სამუშაოებისთვის გამოსაყენებელი საღებავები, ფილების წებოები და სხვა.
საქართველოში განსაკუთრებული პოპულარობით სარგებლობს ჰიდროიზოლაციის მასალები, ბეტონის დანამატები, სამრეწველო იატაკის საფარები და აკრილის გრუნტები.
ციტადელთან პარტნიორობის ფარგლებში, რომელ განხორციელებულ პროექტებს გამოყოფდით?
ჩვენს პორტფოლიოში მრავალი წარმატებული პროექტია, თუმცა ერთ-ერთ ყველაზე მნიშვნელოვანად შეიძლება ჩაითვალოს ერთკომპონენტიანი პოლიურეთანის ჰიდროიზოლაციის სისტემის მოწყობა 𝟏𝟎,𝟎𝟎𝟎 მ²-ზე მეტი ფართობის სახურავზე. ეს პროექტი ხანგრძლივი და თანმიმდევრული მუშაობის შედეგი გახდა, რომლის მიზანიც დამკვეთის ნდობის მოპოვება იყო.
ამ პროექტში გადამწყვეტი როლი ითამაშა კომპლექსურმა მიდგომამ: ადგილზე ტესტური მონტაჟი, ტექნოლოგიის დემონსტრაცია, ტექნიკური კონსულტაციები და ყველა კითხვაზე ამომწურავი პასუხი. დამატებით ფაქტორებად იქცა კონკურენტული ფასები, მაღალი ხარისხის ტექნიკური მხარდაჭერა და საჭირო მასალების დროული მიწოდება.
შედეგად, დამკვეთმა მიიღო სანდო და ეფექტური გადაწყვეტა, ხოლო ჩვენ - კიდევ ერთი მასშტაბური პროექტი, რომელიც ნათლად ადასტურებს ჩვენი კომპეტენციის მაღალ დონეს და პარტნიორობის სიძლიერეს.
სამშენებლო ინდუსტრია საკმაოდ დინამიურია, რა გამოწვევებია დღეს მსოფლიოში და როგორია ფოქს ბაუს პასუხი?
𝐅𝐨𝐱 𝐁𝐚𝐮 მუდმივ განვითარებაზე ორიენტირებული კომპანიაა, რომელმაც საერთაშორისო ბაზარზე შთამბეჭდავ შედეგებს მიაღწია. დღეს ჩვენ ვთანამშრომლობთ 𝟒𝟎-ზე მეტ ქვეყანასთან და ვაშენებთ გრძელვადიან ურთიერთობებს, რომლებიც დაფუძნებულია ნდობასა და სტაბილურობაზე.
მაღალი მოთხოვნისა და გეოგრაფიული გაფართოების შედეგად, ბოლო ხუთ წელიწადში თურქეთში წარმოება ერთიდან სამ თანამედროვე ქარხანამდე გავზარდეთ. ამჟამად ვემზადებით ევროპის უდიდესი შოურუმის გახსნისთვის ესენში (გერმანია), ხოლო ლოგისტიკური ინფრასტრუქტურა უკვე ვითარდება ბელგიასა და ნიდერლანდებში. შემდეგი ნაბიჯი საფრანგეთის ბაზარზე პოზიციების გაძლიერებაა.
ცენტრალურ აზიაში განსაკუთრებული პოპულარობით სარგებლობს ჩვენი დეკორატიული საფარი, რომელიც ფართოდ გამოიყენება სასტუმროებში, ბუტიკებში, მუზეუმებში, კინოთეატრებში და სპორტულ არენებზე.
საქართველოში ყველაზე მასშტაბურ სამშენებლო მასალების საერთაშორისო გამოფენა 𝐂𝐚𝐮𝐜𝐚𝐬𝐮𝐬 𝐛𝐮𝐢𝐥𝐝-ს თქვენ თავად ესწრებოდით, როგორ შეაფასებთ ქართულ ბაზარს, რა კონკრეტული ინტერესებით მოდიოდა დამთვალიერებელი?
ციტადელთან ერთად ორჯერ მივიღეთ მონაწილეობა „𝐂𝐚𝐮𝐜𝐚𝐬𝐮𝐬 𝐁𝐮𝐢𝐥𝐝“-ზე - პირველად 𝟐𝟎𝟐𝟒 წელს, შემდეგ 𝟐𝟎𝟐𝟓-ში. ამ პერიოდში ქართულმა ბაზარმა აჩვენა სწრაფი განვითარება, კერძოდ, გაიზარდა ინტერესი ინოვაციურ ტექნოლოგიებზე და დეკორატიული საფარიც უფრო მოთხოვნადი გახდა.
ეს ტენდენცია ნათლად მიუთითებს, რომ საქართველო აქტიურად ინტეგრირებს მსოფლიო ტრენდებს საკუთარ პროექტებში. პროცესს კიდევ უფრო აჩქარებს ადგილობრივი სპეციალისტების მაღალი კომპეტენცია, რაც უზრუნველყოფს პროექტების სწრაფ და ეფექტურ რეალიზაციას.
შევადაროთ საქართველო თქვენს რამდენიმე პარტნიორ ქვეყანას, სადაც მასალების ექსპორტს ახორციელებთ. რა მსგავსება და განსხვავებაა მომხმარებლის ქცევაში?
საქართველო უნიკალური ბაზარია. მიუხედავად მცირე ზომისა, მას აქვს დიდი ეკონომიკური პოტენციალი და მაღალი ინტერესის დონე თანამედროვე ტექნოლოგიების მიმართ. განსაკუთრებული ყურადღება ექცევა ეკოლოგიურ უსაფრთხოებას, ენერგოეფექტურობას და მომხმარებლის კომფორტს. ქართულ ბაზარზე განსაკუთრებით თვალსაჩინოა მომხმარებელთა ჩართულობა მასალების შერჩევის პროცესში და ინოვაციური გადაწყვეტილებების მიმართ ღიაობა. ასევე აღსანიშნავია ქართული ბაზრისთვის დამახასიათებელი სტუმართმოყვარეობა და პროფესიული კომუნიკაციის კულტურა, რაც ქმნის ნდობასა და გრძელვადიან თანამშრომლობის შესაძლებლობას.
რა რჩევები გაქვთ ქართული ბაზრისთვის?
რეკომენდაციების მიცემა ბაზრისთვის, რომელიც აჩვენებს ასეთი მაღალი განვითარების ტემპს და ინოვაციებისთვის გახსნილობას, საკმაოდ რთულია. დღეს საქართველოს სამშენებლო სექტორი თავდაჯერებულად მიიწევს წინ, აქტიურად ნერგავს თანამედროვე ტექნოლოგიებს, მასალებსა და არქიტექტურულ გადაწყვეტილებებს. ამიტომ რეკომენდაციების ნაცვლად, ჩვენ გვსურს გამოვხატოთ სურვილი, რომ შენარჩუნდეს არსებული ზრდის დინამიკა და მუდმივი სრულყოფისკენ სწრაფვა. სწორედ ეს თვისებები აძლევს საშუალებას ბაზარს დარჩეს კონკურენტუნარიანი და შექმნას პროექტები, რომლებიც ყველაზე მაღალ საერთაშორისო სტანდარტებს შეესაბამება. ჩვენ დარწმუნებულები ვართ, რომ ქართულ ბაზარს აქვს დიდი პოტენციალი და ის თავდაჯერებულად გააგრძელებს მოძრაობას იმ ამბიციური მიზნებისკენ, რომლებიც უკვე დღეს აქვს დასახული.
გაგვიზიარეთ ფოქს ბაუს სამომავლო მიზნები და გვესაუბრეთ ციტადელის როლზე თქვენს სამომავლო გეგმებში.
ჩვენი მიზანია წინსვლა, მუდმივი განვითარება და პოზიციების გამყარება საერთაშორისო ბაზრებზე. ჩვენ ვცდილობთ ციტადელთან ერთად შევინარჩუნოთ ერთიანი განვითარების რიტმი, ვიყოთ სანდო პროფესიული მხარდაჭერა და საყრდენი როგორც მიმდინარე, ისე მომავალ პროექტებში. 𝐅𝐨𝐱 𝐁𝐚𝐮 ძალიან დინამიურად ვითარდება, ამიტომ ჩვენთვის უმნიშვნელოვანესია ბაზრის საჭიროებების, პარტნიორების ამოცანების, მოთხოვნის დონისა და სექტორის მზადყოფნის სწორად გაგება ახალი ტექნოლოგიებისა და თანამედროვე სამშენებლო გადაწყვეტილებების დანერგვისთვის. სწორედ ეს გვაძლევს საშუალებას შევქმნათ პროდუქტები და სისტემები, რომლებიც ყველაზე მაღალ მოთხოვნებს აკმაყოფილებს.
ჩვენთვის 𝐂𝐢𝐭𝐚𝐝𝐞𝐥𝐢 ბევრად მეტი არის, ვიდრე უბრალოდ კლიენტი ან ბიზნეს პარტნიორი. მრავალწლიანი თანამშრომლობის შედეგად კომპანია ჩვენი დიდი პროფესიული ოჯახის ნაწილად იქცა. ჩვენ გულწრფელად ვაფასებთ ჩამოყალიბებულ ურთიერთობას და ვცდილობთ დარვჩეთ მნიშვნელოვან და სანდო პარტნიორებად.
განსაკუთრებით აღსანიშნავია, რომ საქართველოში მიღწეული შედეგები 𝐂𝐢𝐭𝐚𝐝𝐞𝐥𝐢-ს გუნდის გარეშე შეუძლებელი იქნებოდა. ქართულ ბაზარზე, წორედ მათი ნდობით მოგვეცა შესაძლებლობა ჩვენი პოტენციალის რეალიზებისთვის, ჩვენ შევძელით თანამშრომლობისა და პროდუქციის რეალიზაციის დღევანდელ მასშტაბებს მიგვეღწია.
ჩვენ გულწრფელ მადლობას გიხდით ამ ნდობისთვის და დარწმუნებულები ვართ, რომ წინ კიდევ ბევრი ერთობლივი წარმატება გველოდება.