Göçmaksan-ის წარმომადგენლების ვიზიტი ციტადელში

ციტადელმა Göçmaksan-ის ექსპორტის გაყიდვების ხელმძღვანელ Eren Balamir-სა და სამეთვალყურეო საბჭოს წევრ Efe Murat Gocmen-ს უმასპინძლა.

მხარეებმა, ვიზიტის ფარგლებში, სტრატეგიული პარტნიორობის გაძლიერებასა და ბაზრის ახალ შესაძლებლობებზე ისაუბრეს. სტუმრები დეტალურად გაეცნენ საქართველოს სამშენებლო სექტორის ტენდენციებს, არმატურის საჭრელ-საღუნი დანადგარების მიმართულებით.

შეხვედრისას, გოჩმაქსანის განახლებული მოდელის, არმატურის საღუნი მოწყობილობის  - BT 24-ის პრეზენტაციაც შედგა, რომელიც გათვლილია 25 მმ-იანი არმატურის მოსაღუნად. Citadeli-ს გუნდმა დეტალურად გაიცნო ახალი მოდელის შესაძლებლობები და მისი გამოყენების პრაქტიკული უპირატესობები. 

კომპანიის მხრიდან შეხვედრას ნინო სეხნიაშვილი - ბიზნეს განვითარების და სტრატეგიული შესყიდვების დეპარტამენტის ხელმძღვანელი და ბრენდ მენეჯერი - გიორგი ცხოვრებაშვილი უძღვებოდნენ.

პარტნიორი კომპანიის წარმომადგენლებმა მოინახულეს ციტადელის განახლებული ოფისი, ასევე შოურუმები და გაფართოებული სასაწყობე სივრცეები, სადაც მათ შესაძლებლობა ჰქონდათ ენახათ კომპანიის ინფრასტრუქტურული განვითარება და მომხმარებლისთვის შეთავაზებული თანამედროვე პირობები. 

Göçmaksan, როგორც არმატურის საჭრელ-საღუნი დანადგარების გლობალური ლიდერი, უკვე ათწლეულზე მეტია თანამშრომლობს Citadeli-სთან. ეს პარტნიორობა ეფუძნება სანდოობას, ხარისხისადმი მდგრადობასა და გრძელვადიან ხედვას, რომელიც ორიენტირებულია ბაზრის მოთხოვნებზე და ინოვაციურ განვითარებაზე. 

10-წლიანი წარმატებული თანამშრომლობა კიდევ ერთხელ ადასტურებს, რომ ციტადელი და Göçmaksan ერთად ქმნიან სტანდარტებს სამშენებლო სექტორში, სადაც ტექნოლოგიური ინოვაცია და პროფესიონალიზმი მომხმარებლის ინტერესებს პირველ ადგილზე აყენებს.