კომპანია ციტადელი, სამშენებლო სექტორს, ახალ მომსახურებას შესთავაზებს

ციტადელში, ბეტონის სიმტკიცის მიღწევისა და შრობის პროცესის მონიტორინგისთვის განკუთვნილი დანადგარის პრეზენტაცია შედგა. 

დანადგარის დახმარებით, შესაძლებელი ხდება, სამშენებლო პროცესის დაჩქარება, მშენებლობის ხარისხის შეუცვლელად. 

ციტადელში, Peri-ს ჰოლდინგში შემავალი კომპანიის, ვემავენტურის წარმომადგენლების საქმიანი ვიზიტი შედგა. 

ვემავენტურის ციფრული ტექნოლოგიების მიმართულების ხელმძღვანელმა ჰენინგ სტეივსმა და ბიზნესის განვითარების მენეჯერმა, აარონ ლისიდმა, კომპანიის წარმომადგენლებს, დანადგარის შესახებ ვრცელი პრეზენტაცია ჩაუტარეს. 

ჩასხმის დროს, მოწყობილობის გამოყენებით, შესაძლებელი ხდება ბეტონის მთავარ კომპონენტებს შორის თანაფარდობის დადგენა, მათ შორის, სპეციალური სენსორის მეშვეობით განისაზღვრება წყლისა და ჰაერის რაოდენობა, რაც თავის მხრივ იდეალური მონოლითური სტრუქტურის მიღების წინაპირობაა.

სენსორი, სიმტკიცის კოეფიციენტის გამოთვლას,ბეტონის ტემპერატურისა და დროის მონაცემების მიხედვით ახდენს. აღნიშნული მაჩვენებლებით, დგინდება ბეტონის მარკიანობა, რისი დახმარებითაც ყალიბის გამოხსნის ზუსტი ვადები განისაზღვრება. 

ვიზიტის ფარგლებში, მეორე სამუშაო შეხვედრა ბეტონის ლაბორატორიაში შედგა, სადაც ციტადელის თანამშრომლებთან ერთად, ვემავენტურის კომპანიის წარმომადგენლებმა, ტემპერატურის სენსორი სატესტო რეჟიმში მოიყვანეს. 

ახალი დანადგარი ციტადელის პარტნიორი კომპანია “ადლის” ობიექტზე, რეალურ პირობებშიც დაიტესტა/გამოიცადა. 

უახლოეს მომავალში, კომპანია ციტადელი, სამშენებლო სექტორს როგორც საქართველოში, ასევე მის ფარგლებს გარეთ, აღნიშნულ სენსორულ დანადგარს გააცნობს.