ციტადელის პარტნიორი კომპანიის წარმომადგენლების ვიზიტი იტალიაში, Mapei S.P.A.-ს საწარმოებში

კომპანია „ციტადელის“ ინიციატივითა და Mapei S.P.A.-ს მოწვევით, იტალიაში, „ციტადელის’’ პარტნიორი კომპანიების წარმომადგენლების ვიზიტი შედგა. 

ვიზიტორებს შორის იყვნენ „რედიქსის“, „არქის“, „ორბი ჯგუფის“,  „ნიუ როუდისა“ და  „ფერის“ შესყიდვების, ბიზნეს დეველოპმენტისა და პროექტების ხელმძღვანელები, ასევე  „ციტადელი“-ს პასუხისმგებელი პირები. 

ტურის ფარგლებში, ვიზიტორები, Mapei S.P.A.-ს საწარმოებს (პონტე დი პიავიში, მედილიაში), ცენტრალურ ოფისსა (შოურუმები) და ლაბორატორიას (მილანი) ესტუმრნენ. 

იტალიაში, წარმომადგენლობითი დელეგაციის სამუშაო-საინფორმაციო ვიზიტს უძღვებოდა და ორგანიზაციულ მხარდაჭერას უწევდა, Mapei-ს რეგიონალური წარმომადგენლობის, Mapei-Ukraine-ს გენერალური დირექტორი, მარკო ფაჩინი (Mr. Marco Faccin), მისი მოადგილე, ანა რიბინოკი (Mrs. Anna Rybinok) და კომერციული დირექტორის მოადგილე, ჯანკარლო მანტეზე (r. Giancarlo Mantese).

ვიზიტის პირველი ნაწილი დაეთმო, პონტე დი პიავეში არსებული, Mapei S.P.A.-ს შვილობილი კომპანიის Polyglass S.P.A.-ს ქარხნის საწარმოო სიმძლავრეების დათვალიერებას და საპრეზენტაციო-თეორიულ სემინარს. სტუმრები ადგილზე გაეცნენ PVC, TPO, FPO მემბრანების და ბითუმის საფუძველზე წარმოებული მასალების, მათ შორის არააალებად, ენერგოდამზოგავი თვითწებვადი მემბრანების დამზადების პროცესს.

ქალაქ მილანში, დელეგაციის ვიზიტი, 3 დღე გაგრძელდა. სამშენებლო-დეველოპერული კომპანიებისა და „ციტადელის“ წარმომადგენლები,  მედილიაში არსებულ, Mapei-ს ყველაზე მასშტაბურ, ისტორიულად რიგით პირველ ქარხანას ესტუმრნენ. 

აღნიშნულ ლოკაციაზე სტუმრები გაეცნენ როგორც ცემენტ-პოლიმერული, ეპოქსიდური, პოლიურეთანის, ასევ პოლიურეას საფუძველშე დამზადებულ  ინოვაციურ სისტემებს, საღებავებისა და სხვა ეკოლოგიურად სუფთა, ენერგოდამზოგავი მასალების წარმოების ციკლს. 

ტურის დასკვნითი ნაწილი ქალაქ მილანში, Mapei-ს სამეცნიერო-კვლევით ლაბორატორიაში შედგა, სადაც ხელმძღვანელმა პირებმა ისაუბრეს უკვე დანერგილი (ზოგიერთი) სისტემის წარმოების სრულ ჯაჭვზე და ვიზუალიზაცია მოახდინეს მასალების ხარისხის ექსპერტიზის  სპეციფიკაზე. 

Mapei-ს ცენტრალურ ოფისში, საინტერესო და ინფორმაციული თეორიული სემინარი ჩატარდა მიწისქვეშა ჰიდროსაიზოლაციო მასალების შესახებ. ტრენინგს, პროდუქტების დეველოპმენტის ჯგუფის ხელმძღვანელი, ფრანჩესკო გუდიჩი (Mr. Giudici Francesco) და მიწისქვეშა საიზოლაციო მასალების ტექნიკური ჯგუფის ხელმძღვანელი, მარიო რიჯიერო (Mr. Ruggiero Mario) უძღვებოდნენ. 

დელეგაციას, Mapei S.PA.-ს თანამფლობელი და გენერალური დირექტორი,  ვერონიკა სკვინზი (Mrs. Veronica Squinzi) შეხვდა, მადლობა გადაუხადა მათ ვიზიტისა და გამოხატული ინტერესისთვის. 

ქართული დელეგაციის იტალიაში ვიზიტი, საქართველოში Mapei S.P.A.-ს ოფიციალური წარმომადგენლის, ირაკლი კარტოზიას ორგანიზებით მოეწყო.

ციტადელისთვის მნიშვნელოვანია მონაწილე კომპანიების წარმომადგენლებისგან უკუკავშირის მიღება.

შპს რედიქსის  ბიზნეს დეველოპმენტის ხელმძღვანელის, ალექს არსენიძის შეფასებით, განხორციელებული ვიზიტი საკმაოდ ნაყოფიერი აღმოჩნდა: „ძალიან კმაყოფილი ვარ ციტადელის ორგანიზებული ტურით როგორც მასპინძლობის კუთხით, ასევე პროდუქციის გაცნობის მხრივ. მშენებლობაში აქტიურად გამოვიყენებ MAPEI-ის ბრენდის ტოლებს და წებოცემენტებს. დაინტერესებული ვარ სიახლით, რომელსაც ტურის ფარგლებში გავეცანი, კერძოდ, საინექციო მასალებით, რომელიც გვირაბებში, მიწისქვეშა საპარკინგე ადგილებსა და ხიდებზე გამოიყენება“.

„ორგანიზებული ვიზიტი საკმაოდ ინფორმატიული იყო. უშუალოდ წარმოების პროცესში ვნახეთ თუ როგორ მზადდება მაპეის სხვადასხვა პროდუქცია, რაც ჩვენთვის მნიშვნელოვანია, რადგან მშენებლობის დროს აუცილებელია ხარისხიანი მასალების შერჩევა“ - აღნიშნული შთაბეჭდილებები გაგვიზიარა კომპანია ორბი ჯგუფის შესყიდვების დეპარტამენტის ხელმძღვანელმა, მარიკა დოლიძემ. 

შეგახსენებთ, რომ „ციტადელი“,, 87 წლიანი ისტორიის და გამოცდილების მქონე, სამშენებლო ქიმიის მწარმოებელი იტალიური ბრენდის - Mapei-ს  ოფიციალური დისტრიბუტორია საქართველოში.