საინფორმაციო ვიზიტი PERI-ის ქარხანაში

კომპანია PERI-ის მოწვევითა და ციტადელის ორგანიზებით, გერმანიაში, ციტადელის პარტნიორი სამშენებლო და დეველოპერული კომპანიის წარმომადგენლების მორიგი საინფორმაციო ტური შედგა.

ვიზიტორთა გუნდი კომპანიების - „ბიქეი ქონსთრაქშენის’’, , „ალფა რეზიდენსის’’, „ემკა ჯგუფის’’ , „ალფა სახლი დიღომის’’, „ინ-სის’’, „ალიანს ქონსთაქშენის’’ „გზის’’, „ქიაჩელი რეზიდენსისა’’ და „ენსი დიღომის’’ - დირექტორებს, ინჟინრებსა და შესყიდვების ხელმძღვანელებს აერთინებდა.

ტური კომპლექსური ხასიათის იყო, ვიზიტის საინფორმაციო ნაწილს, Wolfgang Göggelmann-ი უძღვებოდა.

აქტივობის ფარგლებში, Marc Schmied-ის დახმარებით, კომპანიის წარმომადგენლები PERI-ის სამშენებლო ინვენტარს - საყალიბე სისტემებს, მათ წარმოებას და გამოყენების სპეციფიკას გაეცნენ. განსაკუთრებული ყურადღება გამახვილდა PERI-ის შოურუმში წარმოდგენილ შემდეგ სისტემებზე: DUO, ALPHADECK, HANDSET Alpha, TRIO და PD 5/8.

ვიზიტორები ხარაჩოების საგამოფენო სივრცესაც ესტუმრნენ, სადაც PERI UP EASY და EVOTOP - ფასადზე უსაფრთხო სამუშაოებისთვის განკუთვნილი ხარაჩოების პრეზენტაცია შედგა. 

სამშენებლო და დეველოპერული კომპანიის წარმომადგენლების შეფასებით, ტურის ფარგლებში, საინტერესო რჩევები და რეკომენდაციები მიიღეს, რომელსაც აუცილებლად დანერგავენ სამშენებლო ობიექტებზე. 

„გერმანიაში ვიზიტი საკმაოდ საინტერესო იყო, ამჟამად ობიექტზე საყალიბე სისტემა HANDSET ALPHA-ს გამოყენებას ვიწყებთ, სისტემას ბევრი უპირატესობა გააჩნია და დარწმუნებული ვარ ჩვენს მოლოდინებს გაამართლებს“ - აღნიშნა კომპანია „ენსი დიღომი“-ს დირექტორმა, რამაზ გუგუნაშვილმა.

შთაბეჭდილებები გაგვიზიარა კომპანია „გზის“ ინჟინერმა, ვახტანგ სარჯველაძემ: „ბათუმში ჩვენს ობიექტზე აქტიურად ვიყენებთ PERI-ის სამშენებლო მასალებს, შესაბამისად, ვიცით რამდენად მნიშვნელოვანია ხარისხი მშენებლობის დროს, წარმოების პროცესის ნახვამ ამაში კიდევ ერთხელ დაგვარწმუნა“.

შეგახსენებთ, რომ ციტადელი 2018 წლიდან PERI-ის ოფიციალური წარმომადგენელია საქართველოში.