ციტადელის წარმომადგენლები მწვანე ენერგიისა და ენერგოეფექტური ტექნოლოგიების სემინარზე

ენერგოეფექტურობის მისაღწევად შენობის ყოველ ნაწილს შესაბამისი სისტემა გააჩნია - ამ თემაზე სასაუბროდ, კომპანია ციტადელის წარმომადგენლები, თბო-ხმის იზოლაციის განყოფილების ინჟინრები - სალომე იმერლიშვილი და ალეკო ბაშარაული, ბათუმში, GEO- ს ორგანიზებულ სემინარზე წარდგნენ.

მომხსენებლებმა, აუდიტორიასთან, რომელსაც მცირე და საშუალო ზომის სასტუმროების მფლობელები წარმოადგენდნენ, ენერგოეფექტური/თბო-ხმის
საიზოლაციო მასალებისა და ტექნოლოგიების შესახებ ისაუბრეს.

ინჟინრებმა, მოხსენებისას, ენერგოეფექტური შენობის სარგებლიანობაზე ისაუბრეს. ყურადღება გაამახვილეს მასალის სწორად შერჩევასა და გამოყენებაზე, ასევე, იმ ინოვაციურ მასალებზე, რომელსაც კომპანია ციტადელი საქართველოში წარმოადგენს.

ენერგოეფექტური მასალების მიმართულებით, ციტადელი, არაერთი საერთაშორისო ბრენდის ექსკლუზიური წარმომადგენელია. საერთაშორისო პარტნიორთა მსხვილი პორტფოლიოს დახმარებით, ციტადელი ხელს უწყობს ქართულ ბაზარზე ენერგოეფექტური მიდგომების შესახებ ინფორმაციისა თუ ტექნოლოგიების გავრცელებას და დანერგვას.

ციტადელის პარტნიორთა შორის არის: ROCKWOOL; ISOVER, PENOPLEX, PAROC, SANT-GOBEN, MAPEI, NORDECO, ISOROC, ISOTEC, INN-T GROUP და სხვა.

სემინარი - „მწვანე ენერგია და ენერგოეფექტური ტექნოლოგიები“, პროექტის - „მწვანე ენერგიის ტექნოლოგიების გავრცელების დაჩქარება ტურიზმის სექტორში“ - ფარგლებში გაიმართა.