დასრულდა საინფორმაციო ტური საბერძნეთში, ქრომოდომის ქარხანაში

25-27 ივლისს, კომპანია  ციტადელის ორგანიზებითა და CHROMODOMI-ს მოწვევით, საბერძნეთში, საინფორმაციო/პრაქტიკული ტური შედგა. 

ქრომოდომის ქარხანაში 3-დღიან ვიზიტს, ციტადელის გუნდის წევრებთან ერთად, პარტნიორი სამშენებლო და დეველოპერი კომპანიების (მ2, ორბი ჯგუფი, თვინს თაუერი, აპექს დეველოპმენტი, ანაგი, სოლუმ დეველოპმენტი) წარმომადგენლებიც ესწრებოდნენ.

სტუმრებს საქართველოდან ქრომოდომის გენერალური დირექტორი - Savvas Chaliampalias, სამეცნიერო-კვლევითი დეპარტამენტის ხელმძღვანელი -

Stella Drosopoulou, წარმოების მენეჯერი - Maria Chaliampalia,

ხარისხის კონტროლის სისტემის ხელმძღვანელი - Steve Gagas, გაყიდვების დირექტორი - Mr. Vasilis Chaliampalias და სხვა წარმომადგენლები შეხვდნენ. 

ვიზიტის პირველ დღეს, ქართულმა დელეგაციამ, კომპანია ქრომოდომის ინფრასტრუქტურა დაათვალიერა. მეორე დღე ინფორმაციული ხასიათის იყო, სადაც ყურადღება ბრენდის ისტორიაზე, მათ მიერ შესრულებულ მასშტაბურ პროექტებზე, საღებავის ქიმიურ შემადგენლობებზე, სერტიფიკატებზე, დამზადების ტექნოლოგიასა და სხვა მნიშვნელოვან თემებზე გამახვილდა. ამავე დღეს, ვიზიტორების მონაწილეობით, მცირე ვორკშოპიც ჩატარდა, სადაც ქრომოდომის ინოვაციური პროდუქტების ჩვენება/გამოყენება მოხდა.   

ქართულმა მხარემ ქრომოდომის წარმომადგენლებს საკუთარი პრაქტიკა და საჭიროებების შესახებ ინფორმაცია გაუზიარა.

საინფორმაციო ტურის მესამე დღე, ქალაქის ღირსშესანიშნაობების დათვალიერებას დაეთმო.  

შეგახსენებთ, რომ ციტადელში მსგავსი აქტივობები პერმანენტულად იმართება და მასში პარტნიორი ადგილობრივი და საერთაშოსირო პარტნიორი კომპანიები ერთვებიან.