ციტადელი - The Most Creative Stand - BATUMI BUILD 2019-ზე

კომპანია ციტადელი, ტრადიციულად, BATUMI BUILD 2019-ზე მონაწილის სტატუსით წარდგა.

წელს ციტადელმა დამთვალიერებელს გერმანული კომპანია PERI-ს საყალიბე და ხარაჩოების სისტემები - DUO, LIWA, PD 8 SHORING SYSTEM, MULTIPROP ALUMINIUM SLAB PROPS და PEP ERGO SLAB PROBS - წარუდგინა, რითიც გამოფენაზე მოსულ სტუმრებს საშუალება მიეცათ PERI-ს ინოვაციურ და უნიკალურ სისტემებს ადგილზე გასცნობოდნენ. გარდა აღნიშნულისა, ციტადელმა დამთვალიერებელს კომპანიაში არსებული თითოეული მიმართულება გააცნო.

გამოფენის ფარგლებში, ციტადელის ინიციატივითა და ორგანიზებით, სპეციალურად ბათუმის შოთა რუსთაველის სახელმწიფო უნივერსიტეტისა და აკაკი წერეთლის სახელმწიფო უნივერსიტეტის მშენებლობისა და არქიტექტურის სტუდენტებისთვის საჯარო ლექცია ჩატარდა.

უცხოელმა მომხსენებელმა მსოფლიოში არსებული უნივერსალური საყალიბე და ხარაჩოების სისტემები, 50-წლიანი გამოცდილების მქონე კომპანია PERI-ს მაგალითზე მიმოიხილა. ღონისძიებაზე კომპანია PERI-ს ვიდეოს პრეზენტაციაც შედგა. აღნიშნულ ლექციას, სტუდენტებთან ერთად, ბათუმში არსებული სამშენებლო და დეველოპერული კომპანიების წარმომადგენლებიც ესწრებოდნენ.

ღონისძიების დასრულების შემდეგ, სამშენებლო კომპანია "კალატოზის" დამფუძნებელმა მერაბ ბოლქვაძემ აუდიტორიას სიტყვით მიმართა და კომპანია ციტადელის ხელმძღვანელობასა და მენეჯერებს ნაყოფიერი თანამშრომლობისთვის მადლობა გადაუხადა.

BATUMI BUILD 2019-ის დასკვნით ღონისძიებაზე ციტადელი ყველაზე კრეატიული სტენდის ავტორად დასახელდა.