ციტადელმა 2021 წლის საუკეთესო დამსაქმებლის ჯილდო მიიღო

ციტადელს 2021 წლის საუკეთესო დამსაქმებლის ჯილდო გადაეცა

 

ფინანსისტთა და ბუღალტერთა დაჯილდოების ღონისძიებაზე კომპანია ციტადელმა  „საუკეთესო დამსაქმებელი ორგანიზაციის’’ ნომინაციაში გაიმარჯვა.

2021 წელს, პანდემიური ფონის მიუხედავად, ციტადელში დასაქმებულთა რაოდენობა გაორმაგდა და დღეის მონაცემებით კომპანია 300 თანამშრომელს აერთიანებს.

ციტადელისთვის მნიშვნელოვანია კომფორტული სამუშაო გარემოს შექმნა, სწორედ ამიტომ კომპანიაში დასაქმებულთათვის სხვადასხვა სახის ბენეფიტი არსებობს.

ციტადელის თანამშრომლები, დადგენილი ანაზღაურების გარდა, ყოველ არასრულწლოვან შვილზე 100 ლარიან დანამატს იღებენ.

ასევე, დამატებით, ციტადელში დასაქმებულებს ყოველთვიური დანამატი ერიცხებათ, რომელიც სტაჟის მიხედვით განისაზღვრება.

კომპანიაში თანამშრომელთა პროფესიული კომპეტენციის გასაუმჯობესებლად და სხვა უნარ-ჩვევების გასაძლიერებლად ტრენინგები და მასტერკლასები პერმანენტულად ტარდება.

აღსანიშნავია, რომ ადამიანური რესურსების ოპტიმალურად გადანაწილების შედეგად, კომპანიაში თანამშრომლებს ზეგანაკვეთურად მუშაობა არ უწევთ.

ფინანსისტთა და ბუღალტერთა დაჯილდოების ღონისძიებაზე გამარჯვებულები 6 ნომინაციაში გამოვლინდნენ.

აქტივობის ფარგლებში, კომპანია ციტადელმა, საკუთარი რჩეული გამოავლინა, რომელსაც  სიმბოლური საჩუქრები და ვაუჩერი გადასცა.

ღონისძიება ყოველწლიური ხასიათისაა და მისი მიზანი პროფესიის პრესტიჟისა და ფინანსური სექტორის მიღწევების შესახებ ინფორმაციის ფართო აუდიტორიისთვის მიწოდებაა.