ციტადელმა „არქიტექტურულ პრემია 2021“-ზე კომპანიის რჩეული 2 სტუდენტი გამოავლინა

10 ივლისს, საქართველოს არქიტექტორთა ასოციაციის ღონისძიება, „არქიტექტურული პრემია 2021“ გაიმართა.

ღონისძიების ფარგლებში, ციტადელის კომერციულმა დირექტორმა, გიორგი ჯებირაშვილმა კომპანიის რჩეული სტუდენტები - „ფოთის ნავსადგურის სამგზავრო ტერმინალის პროექტის“ ავტორი - ანი შტააძე და „მთაწმინდის ქუჩის ურბანული განვითარების კონცეფციის“ ავტორი - ლევან ოთარაშვილი გამოავლინა.

პროექტის ავტორებს კომპანია ციტადელისგან სიმბოლური საჩუქრები და ფულადი ჯილდო გადაეცათ.

„ჩვენთვის მნიშვნელოვანია ხელი შევუწყოთ პერსპექტიული სტუდენტების განვითარებას, სწორედ ამ მიზნით, კომპანია ციტადელი არაერთი სტუდენტური ღონისძიების პარტნიორია.  მომავალი თაობის პროფესიული განვითარებისთვის, ციტადელი პერმანენტულად ახორციელებს საჯარო ლექციებს, მასტერკლასებს, სტაჟირების პროგრამებს, საინფორმაციო ტურებსა და სხვა ღონისძიებებს“ - განაცხადა გიორგი ჯებირაშვილმა.

შეგახსენებთ, რომ კომპანია ციტადელი საქართველოს არქიტექტორთა ასოციაციასთან 2019 წლიდან თანამშრომლობს.