ციტადელის ჩემპიონატის გამარჯვებულის სტატუსი დეველოპერულმა კომპანია „არქი“-მ მოიპოვა
ფუტსალის ფინალურ ეტაპზე, კომპანია „არქი“ „ელემენტ ქონსთრაქშენს“ დაუპირისპირდა და გამარჯვება ბაჩანა ჩეხერიას გოლით - 1:0 მოიპოვა.
ღონისძიების ფარგლებში, გამარჯვებულ გუნდთან ერთად, ჩემპიონატის საუკეთესო მოთამაშეც დასახელდა. აღნიშნული სტატუსის მფლობელი კომპანია „ელემენტ ქონსთრაქშენის“ გუნდის მოთამაშე, 11 გოლით - დაჩი ხუციშილი გახდა, რომელსაც ციტადელისგან სამახსოვრო საჩუქრები გადაეცა.
გამარჯვებულ გუნდს სიმბოლური საჩუქრები და ფულადი ჯილდო - 10 000 ლარი, კომპანია ციტადელის კომერციულმა დირექტორმა - გიორგი ჯებირაშვილმა გადასცა.
შეგახსენებთ, რომ ჩემპიონატი ფუტსალში ციტადელის 10 წლის იუბილეს მიეძღვნა და მასში სამშენებლო სფეროს წარმომადგენელი 12 კომპანია მონაწილეობდა.
აქტივობა სამშენებლო-დეველოპერულ კომპანიებს შორის არაფორმალური ურთიერთობების გაღრმავებისა და ჯანსაღი ცხოვრების პოპულარიზაციის მიზნით ჩატარდა.
