ციტადელის ჩემპიონატმა ფუტსალში სტარტი აიღო

ციტადელის ჩემპიონატმა ფუტსალში სტარტი 14 მაისს აიღო.

ღონისძიება პირველად იმართება და მასში 12 კომპანია მონაწილებს („გრადა“; "ანაგი“; „გალაქსი ქონსთრაქშენი“; „ბრიკო კავკასუსი“; „ოსტატი“; „ადლი“; „არქი“; „მეგობრობა“; „დაგი“; „ემბიჯი“; “ელემენტ კონსტრაქშენი“ და „ციტადელი“).

აღნიშნული აქტივობა სამშენებლო-დეველოპერულ კომპანიებს შორის არაფორმალური ურთიერთობების გასაღრმავებლად და ჯანსაღი ცხოვრების პოპულარიზაციის მიზნით ტარდება.

სამშენებლო-სარემონტო მასალების კომპანია ციტადელი წელს 10 წლის იუბილეს აღნიშნავს და აქტივობა სწორედ ამ თარიღს ეხმიანება.

ღონისძიების ფარგლებში, 30 მაისს გამარჯვებული გუნდი და ჩემპიონატის საუკეთესო მოთამაშე გამოვლინდება.

გამარჯვებული გუნდის საპრიზო თანხა 10 000 ლარით განისაზღვრა.

ციტადელის ჩემპიონატი ფუტსალში ყოველწლიურ სახეს მიიღებს.  

ღონისძიება რეგულაციების სრული დაცვით ხორციელდება.