ურთიერთთანამშრომლობის მემორანდუმი

სახანძრო უსაფრთხოების სფეროში თანამშრომლობის შესახებ, შპს ,,ელპლუს”-სა და ,,ციტადელ“-ს შორის ურთიერთთანამშრომლობის მემორანდუმი გაფორმდა.

მემორანდუმის თანახმად, კომპანია ,,ელპლუსი“  ,,ციტადელის“ მიერ განსახორციელებელ პროექტებში სახანძრო უსაფრთხოების სისტემის მიწოდების, პროექტირებისა და სამონტაჟო სამუშაოების ხარისხიანად და მოქმედი სტანდარტების შესაბამისად შესრულებას უზრუნველყოფს.

სახანძრო უსაფრთხოების სტანდარტების დაცვა, ნებისმიერი სამშენებლო თუ დეველოპერული კომპანიისთვის, ერთ-ერთი პრიორიტეტული მიმართულებაა. სწორედ ამიტომ, აღნიშნული მემორანდუმი მნიშვნელოვანი საფეხურია კომპანიების საერთო პროექტების ხარისხიანად განსახორციელებლად.