PERI-ის ქარდამცავი სისტემა - მობილურობა, უსაფრთხოება და სამუშაო დროის ოპტიმიზაცია

საქართველოს სამშენებლო სექტორი ბოლო წლების განმავლობაში უპრეცედენტო ტემპით ვითარდება, ურბანული განვითარება და მასშტაბური მშენებლობა კი ახალ სპეციფიკურ გამოწვევებს აჩენს.

შენობების სიმაღლის მატებასთან ერთად, იზრდება უსაფრთხოების რისკებიც, სწორედ ამ გამოწვევის საპასუხოდ, კომპანია ციტადელი ქართულ სამშენებლო ბაზარს უალტერნატივო გადაწყვეტას გერმანული ბრენდის PERI-ს ქარდამცავ სისტემებს სთავაზობს.

PERI-ს ქარდამცავი პანელები ქმნის სრულად იზოლირებულ, დაცულ სამუშაო სივრცეს ზედა სართულებზე და უზრუნველყოფს მაქსიმალურ უსაფრთხოებასა და მუშაობის უწყვეტ პროცესს.

მაღალსართულიანი შენობების გარშემო დამონტაჟებული სპეციალური დაცვითი კონსტრუქცია PERI RCS  უზრუნველყოფს ობიექტის დაცვას ქარის, სამშენებლო მასალების ვარდნისა თუ სხვა გარე ფაქტორებისგან, რაც მნიშვნელოვნად ზრდის როგორც სამუშაოს უსაფრთხოებას, ასევე ობიექტზე კომფორტს.

PERI RCS-ის სისტემის პანელები დამზადებულია ფოლადისგან, სისტემის მთავარი უპირატესობა კი ლიანდაგზე ასაწევი ჰიდრავლიკური ამძრავია, რისი დახმარებითაც პანელების აწევა მშენებლობის პროცესის პარალელურად, ამწე-მოწყობილობის დახმარების გარეშე ხდება. შესაბამისად, ჰიდრავლიკური ამძრავი, ასწრაფებს და ამარტივებს სამუშაო პროცესს.

ქარდამცავი სისტემა მოდულური სტრუქტურით  საშუალებას გვაძლევს  იდეალურად მოერგოს ნებისმიერი სიმაღლისა თუ ფორმის ობიექტს.

კომპანია ციტადელი სამშენებლო და დეველოპერულ კომპანიებს პერმანენტულად სთავაზობს სამშენებლო სფეროში მიმდინარე გლობალურ სიახლეებს და აქტიურად ნერგავს მათ ქართულ ბაზარზე.

პროექტებში PERI-ს ქარდამცავი სისტემების ინტეგრირება არა მხოლოდ იცავს ადამიანების სიცოცხლეს, არამედ ხაზს უსვამს დეველოპერული კომპანიის მაღალ რეპუტაციასა და პასუხისმგებლობას.