სახურავის ჰიდროიზოლაცია

სახურავის ჰიდროიზოლაცია

სახურავი არის შენობის ის ნაწილი, რომელიც ყველაზე დიდ დატვირთვას იღებს ტენიანობის, თოვლისა და მზის ზემოქმედებისგან.

სახურავის ჰიდროიზოლაცია არის საფარი, რომელიც განსაზღვრავს, რამდენად გამძლე და ენერგოეფექტური იქნება შენობა. გარდა ამისა, სწორი ჰიდროსაიზოლაციო სისტემის შერჩევა გადამწყვეტი ნაბიჯია, რათა გაუძლოს კონსტრუქციამ დროსა და სტიქიურ მოვლენებს.

ჰიდროიზოლაციის ეფექტურობა იწყება სწორად მომზადებული ზედაპირით. სამუშაოების დაწყებამდე აუცილებელია ჩატარდეს შემდეგი სამუშაოები: 

• ზედაპირის სრულად გაწმენდა წყლის, მტვრისა და ცხიმისგან;
• ბზარების, ღრმულების და ფორების ამოვსება;
• დაქანების შემოწმება (მინიმუმ 1.5–2%) -  არასწორი დახრა წყლის დაგროვებას და სისტემის დაზიანებას გამოიწვევს.

ჰიდროიზოლაციის ძირითადი ტიპები 

ჰიდროისაიზოლაციო მასალის რამდენიმე ტიპი არსებობს, თუმცა ყველაზე გავრცელებულია რულონური, წასასმელი და მემბრანული სისტემები.

რულონური ჰიდროიზოლაცია ყველაზე ტრადიციული და სანდო მეთოდია, რომელიც ძირითადად ბრტყელ და მცირედ დახრილ სახურავებზე  გამოიყენება.

მასალები ძირითადად ბიტუმის ან ბიტუმო-პოლიმერული ბაზისაა, ხოლო არმირების ტიპის მიხედვით არსებობს მინატილო, მინაქსოვილი ან პოლიესტერი, რომელთაგან ყველაზე მაღალი გამძლეობით პოლიესტერი გამოირჩევა. აღნიშნული სისტემის დამონტაჟებისას გარდა რულონური მასალებისა, გამოიყენება პრაიმერი და მასტიკა. 

რულონის დაგებამდე ბეტონის ზედაპირის ბოლომდე გაშრობის შემდეგ, საჭიროა დამუშავდეს სპეციალური ბიტუმის პრაიმერით, რომელიც აუმჯობესებს ადჰეზიურობას და მასალა ხდება მარტივად ინსტალირებადი/სამონტაჟო.

რულონური მასალის გამოყენება რეკომენდებულია ორ ფენად, მეორე ფენა აუცილებელია იყოს ქვიშიანი დაფარვით, რომელიც იცავს მემბრანას მზის გამოსხივებისგან.

უპირატესობები: ძლიერი და გამძლე ფენა (4–5 მმ სისქე); მაღალი წყალგაუმტარობა; გრძელვადიანი დაცვა (15–25 წელი); ეკონომიური დიდი ფართობებისთვის.

თხევადი (წასასმელი) ჰიდროიზოლაცია წარმოადგენს ერთგვარ უწყვეტ მემბრანას, რომელიც იქმნება მასალის გადატარებით სამღებრო ფუნჯით, ლილვაკით ან სპრეის აპარატით. აღნიშნული სისტემის მასალები უფრო მრავალფეროვანია და თავის მხრივ მოიაზრებს სხვადასხვა ტიპს: ცემენტო-პოლიმერული, რეზინის, აკრილისა და პოლიურეთანის ბაზა.

სახურავზე აუცილებელია გამოვიყენოთ UV სხივების საწინააღმდეგო ჰიდროსაიზოლაციო მასალა.

ზედაპირის დამუშავების შემდეგ, მასალა უნდა დაიტანოს მინიმუმ ორ ფენად, ასევე პარაპეტსა და ფილას შორის არსებულ კუთხეებში საჭიროა გამოვიყენოთ ჰიდროსაიზოლაციო ლენტი.

ცემენტო-პოლიმერული ჰიდროიზოლაცია არის ცემენტზე დაფუძნებული ჰიდროსაიზოლაციო მასალა, რომლებიც ადვილად გამოსაყენებელია და ქმნის გამძლე, დიდხანს მოქმედ დაცვით ფენას. აქვს შესანიშნავი წებოვნური თვისებები ბეტონის ზედაპირებზე, ქმნის უფრო სქელ საფარს სხვა ტიპებთან შედარებით.

უპირატესობები: ეკოლოგიურად სუფთა, მარტივი გამოყენება, კარგი ადჰეზია, შესაძლებელია ფილების დაგება ცემენტო-პოლიმერული ჰიდროიზოლაციის ფენის შემდეგ.

რეზინის ბაზა ეს არის პოლიმერიზებული რეზინის ემულსია, რომელიც წასმის შემდეგ მყარდება და ქმნის ელასტიურ ერთიან ფენას. შესაფერისია რთული ფორმის ზედაპირებისთვის. ციტადელში გირჩევთ რეზინო-პოლიმერული ჰიდროიზოლაცია - FOX AQUAROOF SR 18kg-ს, რომელიც გამოსაყენებლად მზა, სუპერ ელასტიური მასალაა და ერგება სხვადასხვა ზედაპირს.

უპირატესობები: მარტივი აპლიკაცია; ეკოლოგიურად უსაფრთხო (არ შეიცავს გამხსნელებს); იდეალური მოჭიდება ბეტონზე, მეტალზე, ხეზე; არ იბზარება. შესაფერისია როგორც შიდა, ასევე გარე გამოყენებისთვის.

გამოყენების ადგილები: სახურავები და ტერასები, წყლის ავზები და აუზები, აბაზანები და სველი წერტილები.

წყლის ბაზაზე შექმნილი აკრილის ელასტიური ფისი გაშრობის შემდეგ ქმნის მოქნილ, მაგრამ მყარ ფენას, რომელიც მარტივად იტანს ზედაპირის მცირე მოძრაობებს. ასეთია წასასმელი ჰიდროიზოლაცია FOX WATERPROF FS100 4kg.

უპირატესობები: ეკოლოგიურად სუფთა (არ შეიცავს გამხსნელებს), მარტივად წასასმელი (სამღებრო ფუნჯით ან ლილვაკით), UV-გამძლე — შესაფერისია ღია ზედაპირებისთვის.

გამოყენების ადგილები: ბინების და შენობების ბრტყელი სახურავები, აივნები და ტერასები, ფასადები და დეკორატიული ზონები, სადაც წყლის ზეწოლა დაბალია.

პოლიურეთანის ბაზა - ერთ ან ორკომპონენტიანი ფისი, რომელიც ქმნის ელასტიურ, ერთიან შრეს. აღნიშნული თვისებებით ხასიათდება ჰიდროიზოლაცია პოლიურეთანის ბაზაზე FOX PURMAX FS601 WHITE 25, რომელიც შეგვიძლია გამოვიყენოთ როგორც ინტერიერში, ასევე ექსტერიერში; ბრტყელ ან მცირედ დახრილ სახურავებზე, ტერასებსა და აივნებზე; წყლის ავზებსა და რეზერვუარებში.

 უპირატესობები: ძალიან მაღალი ელასტიურობა (400–600%); იდეალური გადაბმულობა ბეტონზე, მეტალზე, ხეზე; გამძლეა როგორც ტემპერატურის ცვლილებებისა და ბზარების, ისე UV სხივების ზემოქმედების მიმართ.

მემბრანული სისტემები თანამედროვე და მაღალტექნოლოგიური გადაწყვეტაა. გამოიყენება როგორც PVC, TPO, EPDM ან HDPE ბაზაზე დამზადებული მემბრანები.

უპირატესობები: გრძელვადიანი გამძლეობა (30+ წელი); ულტრაიისფერი სხივების მიმართ სრული მდგრადობა; ელასტიური და მოქნილი; მდგრადია ტემპერატურული ცვლილებების მიმართ; მარტივი მონტაჟი დიდი ფართობებზე 

სწორი ჰიდროიზოლაციის არჩევა დამოკიდებულია შენობის ტიპზე, ზედაპირზე, ექსპლუატაციის პირობებსა და ბიუჯეტზე.

ეკონომიური და გამძლე ვარიანტისთვის — რულონური ჰიდროიზოლაცია; 

მოქნილი და სწრაფი გადაწყვეტისთვის — თხევადი ჰიდროიზოლაცია;

პრემიუმ და გრძელვადიანი შედეგისთვის — საუკეთესოა მემბრანული სისტემა;

რაც მთავარია, მონტაჟი უნდა შესრულდეს პროფესიონალურად, რადგან იდეალური მასალაც კი ვერ დაიცავს შენობას, თუ ჰიდროიზოლაცია სწორად არ არის დაგეგმილი და შესრულებული.

თუ დამატებით კითხვები გაგიჩნდათ, დაგვიკავშირდით უფასო კონსულტაციისთვის *7070