როგორ შევარჩიოთ სწორად ჰიდროსაიზოლაციო მასალა?

ჰიდროიზოლაცია ერთ-ერთი ყველაზე მნიშვნელოვანი ეტაპია მშენებლობაში. სწორად შესრულებული ჰიდროიზოლაცია იცავს შენობას ტენისგან, ხელს უშლის სოკოს და ობის გაჩენას, მნიშვნელოვნად ზრდის კონსტრუქციის ექსპლუატაციის ვადას. 

ჰიდროიზოლაციის დაგეგმარება აუცილებელია სახურავის, ტერასისა და აივნის, ასევე საძირკველის მოწყობის დროს.

მას შემდეგ, რაც ჰიდროსაიზოლაციო არეალს განვსაზღვრავთ, მიზანშეწონილია შესაბამისი მასალის სწორად შერჩევა შემდეგი ფაქტორების გათვალისწინებით:

ზედაპირის ტიპი - ჰიდროიზოლაციის გამოყენება შესაძლებელია როგორც ბეტონზე, ასევე ხისა და ლითონის კონტრუქციებზე. შესაბამისად, თითოეულის ზედაპირი განსხვავდება ადჰეზიის უნარით.

ბეტონის ტიპის ზედაპირზე საუკეთესოა წასასმელი ჰიდროიზოლაცია. კერძოდ, ცემენტო პოლიმერული მასალები, როგორც არის სრულად წელვადი ცემენტო-პოლიმერული ჰიდროიზოლაცია FOX ULTRASEAL-UV FS485 white SET 30kg. მასალას აქვს შესანიშნავი წებოვნური თვისებები, რაც განსაზღვრავს ბეტონთან მოჭიდებს.

ექსპლუატაციის პირობები - გაითვალისწინეთ ტემპერატურული რეჟიმი, მექანიკური დატვირთვები, ქიმიური ზემოქმედება. მაგალითად, ტერასებსა და სახურავებზე საჭიროა UV  გამძლე მასალა, როგორიც არის პვც მემბრანა მაპეპლან MAPEPLAN M 15 Broof T1/T3 1.5mm. 

ბიუჯეტი - ყოველთვის არსებობს ბალანსი ფასსა და ხარისხს შორის. გრძელვადიან პერსპექტივაში ძვირი მასალა შეიძლება უფრო მომგებიანი აღმოჩნდეს.

დამონტაჟების სირთულე - თუ გეგმავთ სამუშაოების თავად შესრულებას, აირჩიეთ უფრო მარტივად გამოსაყენებელი მასალები. მაგალითად - თხევადი, იგივე წასასმელი, ჰიდროიზოლაცია. პროფესიონალური შესრულების შემთხვევაში, შეგიძლიათ უფრო რთული, დამხმარე დანადგარებით შესასრულებელი, მემბრანული ტიპის ჰიდროიზოლაციო მასალების გამოყენება.

ჰიდროიზოლაციის შესრულების ძირითადი წესები

სწორი ჰიდროიზოლაცია მხოლოდ ხარისხიანი მასალით არ განისაზღვრება. აუცილებელია სამუშაოების ტექნოლოგიის ზუსტი დაცვა:

ზედაპირის მომზადება - ზედაპირი უნდა იყოს სუფთა, მშრალი და თანაბარი. მტვერი, ზეთი, მოძველებული საღებავი და სხვა დამაბინძურებლები ამცირებს ადჰეზიას და საბოლოო შედეგის ხარისხს.

გრუნტის/პრაიმერის გამოყენება - გრუნტი/პრაიმერი აუმჯობესებს ადჰეზიას და ამცირებს ჰიდროსაიზოლაციო მასალის შთანთქმას. ეს განსაკუთრებით მნიშვნელოვანია ფოროვან ზედაპირებზე.

ფენების რაოდენობა - ბიტუმოპოლიმერული (რულონური) და წასასმელი ჰიდროიზოლაციის შემთხვევეში საჭიროა მინიმუმ ორი ფენის დატანა. რაც შეეხება მემბრანულს, რეკომენედებულია ერთი ფენის გამოყენება. 

შეერთებების დამუშავება - ტენის შეღწევა ხშირია კუთხეებსა და დამაკავშირებელ ადგილებში. 

ამ შემთხვევაში, დამატებითი უსაფრთხოებისთვის შესაძლოა კუთხის ლენტისა და წასასმელი ჰიდროიზოლაციის გამოყენება, რომელიც ინარჩუნებს მუდმივ ელასტიურობას და ერგება სხვადასხვა ტიპის ზედაპირს, მათ შორის ვერტიკალურს სიმაღლის შეზღუდვის გარეშე.

ტესტირება - სამუშაოების დასრულების შემდეგ, რეკომენდებულია 24-48 საათიანი წყლის ტესტი, რათა დარწმუნდეთ ჰიდროიზოლაციის ეფექტიანობაში.

თუ დამატებით კითხვები გაგიჩნდათ, დაგვიკავშირდით უფასო კონსულტაციისთვის *7070