სამუშაო ძალის მრავალფეროვნება

  იცით თუ არა, რომ სამუშაო ძალის მრავალფეროვნება წარმატებული ორგანიზაციის ერთ-ერთი მთავარი მახასიათებელია.

 ორგანიზაცია შედგება ინდივიდუალური წევრებისაგან  და, სწორედ, ისინი წარმოადგენენ კომპანიისთვის მთავარ ფასეულობას.

სამუშაო ძალის მრავალფეროვნების ძირითადი მახასიათებლებია:

• ასაკი;
• სქესი;
• ეთნიკური წარმომავლობა;
• რელიგია;
• ფიზიკური და გონებრივი შესაძლებლობები;

სამუშაო ძალის მრავალფეროვნება გულისხმობს, რომ ორგანიზაციები სქესის, ასაკის, რასის, ეთნიკური კუთვნილებისა და სექსუალური ორიენტაციის მიხედვით თანდათან უფრო მრავალფეროვანი ხდება. მრავალფეროვან სამუშაო ძალაში შედიან ქალები, ფერადკანიანები, ფიზიკურად უნარშეზღუდულები, ასაკოვანი ადამიანები, სექსუალური უმცირესობის წარმომადგენლები. ამ მრავალფეროვნების მართვა გლობალური გამოწვევა ხდება. ეს ცვლილება გულისხმობს, მაგალითად, თანამშრომლების განსხვავებული ინტერესების დასაკმაყოფილებლად მრავალფეროვანი ტრენინგების ჩატარებასა და მოტივაციის სისტემების გაუმჯობესებას.

სამუშაო ძალის მრავალფეროვნება მნიშვნელოვან გავლენას ახდენს მენეჯერთა საქმიანობაზე. მათ უხდებათ თავიანთი სამუშაო პრიციპების შეცვლა და ყველას ერთნაირად ვეღარ ექცევიან.  თანამშრომელთა მართვის, მოტივაციისა და პროდუქტიულობის გასაზრდელად ინდივიდუალური გადაწყვეტილებების მიღება უწევთ.   მრავალფეროვნი სამუშაო ძალის არასწორად მართვისას, იზრდება სამუშაო ძალის გადინება, რთულდება კომუნიკაცია და იმატებს კონფლიქტურობა მუშაობის პროცესში.

სამუშაო ძალის მრავალფეროვნებაზე ზრუნვა ორგანიზაციის ეფექტიანობისთვის ერთ-ერთი ყველაზე მნიშვნელოვანი წინაპირობაა, რადგან რაც უფრო ბევრი განსხვავებული ჯგუფის წარმომადგენელია თავმოყრილი ორგანიზაციაში, მით უფრო მეტი განსხვავებული და ორიგინალური ხედვა ეძლევა  ხელმძღვანელობას. მთავარია, მრავალფეროვანი სამუშაო ძალის მენეჯმენტი განხორციელდეს დისკრიმინაციის გარეშე და მომუშავეების ინდივიუალური განსხვავებები კომპანიის კონკურენტუნარიანობის ზრდისთვის იქნეს გამოყენებული.

კომპანია ციტადელი გირჩევთ, რომ გუნდი მრავალფეროვანი სამუშაო ძალით დააკომპლექტოთ.

მრავალფეროვანი სამუშაო ძალის მართვა, რა თქმა უნდა, რთული პოცესია, რომელსაც თან ახლავს პრობლემები და გამოწვევები. თუმცა, აღსანიშნავია უამრავი დადებითი ეფექტი, რომელიც ასევე, მისი თანმდევია.  ესენია: ეკონომიკური სარგებლის ზრდა, ბაზრის მეტი წილის მოპოვება, კონკრეტულ პოზიციაზე სასურველი კანდიდატის მოძიებისას დიდი არჩევნი, მეტი შემოქმედებითობა და ინოვაციურობა, ნაკლებ დანახარჯიანი ადაპტაცია ახალ გარემო-პირობებთან და კომპანიის კონკურენტუნარიანობის ზრდა.

ამ ეტაპზე ციტადელში დასაქმებულებს შორის ასაკობრივად არიან 18 და 71 წლის თანამშრომლები.